أوراق عمل اللغة العربية – حرف الفاء المكسور
هنـــــا يمكنكم تحميل أوراق عمل حرف الفاء المكسور
مطبخ مغتربة :: تعالوا نعمل البسطرمة
البوست ده للناس اللى بتحب البسطرمة ومغرمة بيها زيي كده 
الحقيقة كل أفراد أسرتى الصغيرة والكبيرة – ما عدى والدى – بيموتوا فى البسطرمة على الرغم من رائحة الحلبة بها لكن طعمها لا يقاوم .. البسطرمة فى مصر راائعة لأن اللحمة هناك جميلة وناعمة طبعا أنا بأتكلم عن الأنواع الحلوة الغالية .. وهنا برضه بألاقى بسطرمة لكن الحقيقة ساعات بأحس إنها بلاستيك شوية مش عارفة ليه يمكن ده بيرجع لنوعية اللحم المستخدم .. وأكيد غالية وبعدين فيها مشكلة بأحس إن فيها صبغة وأعتقد إن فيها صبغة لإعطاء اللحم لون أحمر زاهى وموضوعالصبغة ده بيقلقنى .. أنا عارفة إن كل شئ فيه صبغة لكن بأحس إنها زيادة شوية .. المهم يعني قررت خوض التجربة .. وجربت قبل كده كذا مرة بوصفات متعددة وفشلت فشل ذريع معايا .. المرة دى توكلت على الله وأخدت الوصفة من خالتى بمصر ومع بعض التعديلات البسيطة اللى تلائم البيئة هنا طلعت جميلة .. وفيه صديقة لى جربت وصفتى لكن بولاية أخرى وقالت لى طلعت رائعة والحمد لله .. ندخل فى المفيــد
المقــــادير
٢ باوند – تقريبا ١ كيلو – نوع لحم يكون ناعم وأحمر يعني نشيل الدهن من عليه وننضفه كويس *
وطلعت نص نص مش وحشة Chuck roast أنا إستخدمت قطعيه هنا إسمها
أعتقد هتكون أحسن Eye Round المرة اللى جاية هأستخدم قطعية الـ
٢/١ كوب ملح كوشر – ملح خشن يعني *
١ ثمرة فلفل رومى أحمر – لإضفاء لون طبيعي وطراوة فى التغليفة بتاعت اللحمة *
٢ معلقة صغيرة ملح عادى *
من ٣ – ٤ راس ثوم تقريبا حوالى ٢٥ فص ثوم *
٢/١ كوب بابريكـا بودرة *
٢/١ كوب حلبة مطحونة *
فى محاولاتى السابقة كنت بأشترى الحلبة من المحل العربى وأطحنها والمرة دى إشتريت حلبة من العطار فى مصر إسمها حلبة للبسطرمة هى مش مخصوص ولا حاجة هى أعتقد محمصة ومطحونة يعنى مش إفتكاسة يعني
الطريقـــة
فى الأول نغسل قطعة اللحم جيدا وننشفها بورق المطيخ كويس ونعمل فيها شقوق غير نافذة مجرد شقوق سطحية مختلفة
ونرش عليها الملح الخشن كويس ونغطيها بالملح نحشى الشقوق اللى عملناها كويس بالملح الخشن ثم نضع عليها شئ تقيل .. ممكن حلة فيها مية مثلا أى وزن تقيل يضغط عليها كويس ونتركها لمدة ٢٤ ساعة علشان تنزل ميتها ونحاول نعمل تصريف المية كل شوية يعني ما نخليش اللحمة تعوم فى ميتها فممكن نحطها على شبكة وتحتها صينية مثلا لإستقبال المية بتاعت اللحمة – طبعا درجة حرارة الغرفة اللى فيها اللحمة نحاول إنها ما تعديش ٢٥ درجة مئوية أو ٧٧ فهرنهايت .. لومش هينفع ممكن تتركوا اللحمة فى التلاجة ٣ أيام وتشيلوا المية كل شوية
بعد كده هتلاقوا اللحمة بقيت رفيعة ومبططة حبتين ولونها هيكون أغمق أكيد .. نشطفها كويس جدا من الملح بالماء البارد وننشفها كويس ونغطيها بأى قماشة مخرمة ونعلقها بإستخدام أى دوبارة فى الهواء لمدة ٣ أيام ولازم يكون المكان جيد التهوية
نخلط مكونات التغطية بتاعتها فى الفود بروسيسور بتاعنا .. الثوم والملح الناعم والبابريكا والفلفل الرومى والحلبة وهنحتاج شوية مية صغيرين لغاية لما نعمل عجينة نقدر نفردها على اللحمة
نلبس جوانتى علشان اللون والرائحة ونبدأ بتغطية اللحمة من كل جانب كويس جدا جدا ونتركها معلقة فىالهواء لمدة شهر كامل .. بالنسبة لى علشان أنا ساكنة فى منطقة شديدة الجفاف القشرة كانت ناشفة وكراستى إنما لو إنتم فى منطقة فيها رطوبة شوية هتلاقوها أطرى بكتير
وده شكلها بعد شهر من التعليق
وهنا مستعدين للتقطيع
بعد ما قطعناها … جميلة ومملحة
إحنا فى مصر بنآكلها كده أو مع البيض بتبقى لذيذة جدا
ملحوظات على الوصفة
الوصفة الأصلية بنسيب اللحمة ٣ أيام فقط وبعدين بتكون جاهزة!!! مش عارفة أنا ما حسيتش إن طعمها مناسب مع إن صديقتي اللى جربتها تركتها ٣ أيام فقط واكلوها بالهنا والشفا بعد كده على طول
ممكن تدخلوا هنا على اليوتيوب تشوفوا الوصفة من الشيف أسامة – مش هى اللى إتبعتها لكن نفعتنى جدا لما جيت أشوف الشيف اللى معاه وهو بيحط إزاى الطبقة ويغطى اللحمة كويس لأن لازم نبلل الأيدي شوية وإحنا بنحط الطبقة دى
يا ريت لو عجبتكم تجربوها وتقولوا لى عملتوا إيه
أمريكا : كوبونات تنفع مع كليرانس تارجت
يباع @ ١.٢٤ دولار بدلا من ٤.٩٩ دولار Biz Blast Packs
بإمكانكم إستخدام كوبون ١$/١ من مجموعة كوبونات سمارت سورس بتاريخ ٧ أبريل
أو يمكنكم طباعة كوبون ١$/١ من هنـــــا
يبقى = ٢٤ سنت بعد الكوبون
فيتامينات تباع بـ ٣.٩٨ دولار بدلا من ٧.٩٩ دولار
وعندنا كوبون ٣$/١ من مجموعة ريد بلم بتاريخ ١٤ أبريل
يبقى السعر النهائى = ٩٨ سنت
ملحوظة : لا علم عندى إذا كان بها جيلاتين أم لا أرجو مراجعة المكونات
بيبي ووش يباع بـ ٢.٤٨ دولار بدلا من٤.٩٩ دولار Aveeno Baby Soothing
وعندنا مجموعة من الكوبونات أتمنى تكون عندكم
٣$/٢ من ١٧ مارس سمارت سورس
أو تلاقوا ١$/١ من ١٧ مارس سمارت سورس
أو٢$/٢ من ريد بلم بتاريخ ١٧ أبريل
أو ١$/١ من مجموعة ريد بلم بتاريخ ١٧ أبريل
يبقى = ٩٨ سنت الواحد إذا وجدتم أول كوبون
كريست كومبليت – بالك فيها ٢ معجون @ ٢.٤٨ دولار نازلة من ٤.٩٩ دولار
عليها كوبون ١$/١ من كوبونات بي آند جي بتاريخ ٣١ مارس
السعر النهائى = ١.٤٨ دولار – يعني الواحد بـ٧٤ سنت
أمريكــا :: كليرانس بتارجت
تارجت عنده مجموعة من العروض والتخفيضات الحلوة ونبدأها بمفارش الأطباق العديد منها نازل لـ ٧٠&٪ وأيضا ماكينة صنع الدونتس
بعض المأكولات والأطعمة ومنها علب الكرانبرى ٧٠٪ والقهوة
بعض الألعاب عليها كليرانس يصل إلى ٥٠٪ ومنها ألعاب الليجو بس نازلة حتى ٣٠٪ فقط
أفينو شامبو للأطفال .. معجون أسنان … فرش أسنان وخلافه
وفيه كليرانس أيضا على منتجات للحمام من فوط وفرش الحمام وحاجات الحوض بتاعت الحمام
وفيه كليرانس أيضا على فرش السراير من ٣٠ لـ ٥٠ ٪ تخفيض
أمريكا :: فري من ستارباكس
ستارباكس اليوم فقط ١٩ أبريل وحتى ١٢ ظهرا بتقدم فري كوفى …شوفوا العرض هنـــــا
كندا : عروض ولمارت هذا الأسبوع من ١٩ – ٢٥ أبريل
