مغتربة

تباع@ ٢.٩٩ وعليها عرض بوجو بتارجت Kraft Recipe Makers *

نستخدم كوبون ١$/١ من كوبونات تارجت هنـــــا

مع كوبون آخر ١$/١ من هنـــــا

يبقوا الإتنين @ ٩٩ سنت فقط

اليوم فقط تارجت عامل سبتمبر سايبر مونداى لو إشتريتوا بـ ٧٥ دولار نآخد ١٠ دولار جيفت كارد لتارجت

فيه عروض كتير عندهم أونلاين على كيتشين إيد ميكسر وكاميرات كانون وغيرها

لكن فيه عروض حلوة على اللعب نشترى واحد والتانى ٣٠٪ تخفيض بالذات وإحنا داخلين على العيد كل عام وأنتم بخير

فيه عرض الحقيقة حلو قوى على ليجو ماين كرافت ودى صعب قوى نلاقى عليها سيل

 

تباع @ ٣٤.٩٩ دولار LEGO Minecraft The Village*

 هتبقى = ٢٤.٤٩ دولار بعد الـ ٣٠٪ تخفيض LEGO Minecraft THe Nether *

 وما تنسوش لو إشتريتوا من خلال إيبيتس هتآخدوا حتى ٢.٥٪ كاش باك

هو للأسف مجموعهم مش هيكون أكتر من ٧٥ دولار لكن ممكن نشترى حاجة كمان ونآخد الـ ١٠ دولار جيفت كارد أو العرض ده وخلاص والشحن هيكون فري لأنه فوق الـ ٥٠ دولار

إستكمالا للجزء الأول من قصة سيدنا إبراهيم للأطفال .. عندى شوية أنشطة ظريفة عملتها مع أولادى أتمنى تلاقوا فيها الفايدة إن شاء الله

طبعا ممكن جدا نبحث فى اليوتيوب على قصص الأنبياء بالكارتون أو الصلصال ونوريهم كمان قصة سيدنا إبراهيم وسيدنا إسماعيل عليهما السلام

 

أولا اللعب بالعجينة :: نشاط تشكيل أصنام

أنا عارفة إن العنوان يخض حبتين لكن كانت دى متعة بالنسبة لهم عملت العجينة المالحة وكان المفروض إن العجينة دى تنشف لوحدها لكن ما نشفتش إلا لما دخلت الفرن أنصحكم إما بتشكيل قطع صغير منها علشان ما تآخدش وقت على ما تنشف وتجمد أو تشوفوا عجينة تانية … المهم العجينة مكوناتها كالتالى

 

العجينة المالحة

٤ كوب دقيق – ١ونصف كوب ملح ناعم – ١ ونصف كوب ماء للعجن

 

إحنا عملنا نصف المقدار وأعطى لنا كمية لا بأس بها من العجينة

وبدأنا اللت والعجن والتشكيل وحاولت أقول لهم نبعد عن أشكال الإنسان والحيوان يعني علشان ما يكونش فيها شبهة ولو إنها للتعلم والإمتهان .. المهم ما كانش ده عائق والحمد لله والخيال إشتغل كويس

وكل واحد أبدع فى مجاله وعلى حسب سنه وخياله .. وعملنا الأصنام ولوناها لما نشفت بأى ألون موجودة

ودى مجموعة الأشكال اللى عملناها

وهنا عملنا مسرحية صغيرة بالليجو وكأن الناس بتسجد للأصنام وعملنا واحد إيده مقطوعة وجاى يطلب من الأصنام إنها ترجع له إيده تانى .. وكان فيه حرامى واقف بعيد شايفهم وهم بيقدموا القرابين للأصنام

وهنا الراجل بيقدم قرابين جواهر غالية والحرامى واقف مستنى

وهووووب أول ما الناس مشيوا الحرامى جه وسرق القرابين من قدام الأصنام وهى واقفة مش بتعمل حاجة

وبعدين كسرنا الأصنام وقلنا للناس المفروض تعبدوا ربنا مش الأصنام دى لا بتنفع ولا بتضر

وفشفشناها كلها فشافيش وكسرناهم كلهم .. وطبعا برضه ده كان جزء ممتع لأطفال المدمرين والحمد لله

 

وفيه مجموعة من الأوراق لأطفال البري سكول هأبقى أجمعها وأنزلها مرة واحدة إن شاء الله .. أتمنى تكون الأنشطة عجبتكم وإنتظروا الأجزاء الأخرى

إدخلوا هنـــا وإطبعوا كوبون فري للأطفال من تشيليز … الكوبون للأطفال بحد أقصى ١ فقط ع ش وجبة للكبار

الكوبون صالح حتى ٢ أكتوبر

فري سامبل من جفيليا كافية … مرة أخرى لو ما لحقتوهاش أول مرة .. تلاقوها هنـــــا

فري سامبل مقدمة من تارجت .. إطلبوها من هنـــــا