Uncategorized

Photo Credit

وصلتني رسالة من أحدى متابعات مغتربة مفادها أن الزوجة لا ترى فائدة ترجى “ غير وجع الدماغ ” على حسب قولها فى الإستعانة بالكوبونات … ببساطة لأن زوجها “بيضيع كل مجهودها هباء” لأنه بيحب يآكل برة كتير وبيشتري حاجات مالهاش لازمـة كتير وتفاصيل أخرى لن أذكرها حفاظا على خصوصية القارئة العزيزة

 

أحب أقول لك ” إنك مش لوحدك !!! ” حقيقي … الشكوى دي سمعتها أكتر من مرة …أنا كان عندي صديقة عزيزة فى مصر كل أما زوجها يآخدها هي والأولاد كنتاكي مثلا تقول له صرفت كام؟ وليه .. لو كنت جيبت لي فرختين كنت عملت أحسن من كده والسعر أقل هههههه … أنا نفسي على الرغم من أن زوجي ليس مسرف بالدرجو كزوجك لكن بأتضايق ساعات لما أطلب منه مثلا حاجات يشتريها من الستور ويرجع ومعاه كام حاجة زيادة على الفاتورة … وخصوصا بقى لو الحاجات اللى إشتراها عليها كوبونات معايا بأبقى حاسة إنى فعلا متغاظة … لكن إتعملت أسيب الأمور تمشى والتعامل مع الموقف بس عايزة أقول لكم بعض الإقتراحات وبعض حاجات إتعلمتها من مشوار زواجي اللي بقاله ١٥ سنة والحمد لله

 

١- تقبلوا الطرف الآخر بإختلافاته بصدر رحب

يعني لازم كل طرف يتقبل الآخر ويتفهمه المسرف يتقبل من يتوخى الحذر فى المصاريف ويعرف إن المصاريف الغير مخطط لها بتضايق الطرف الآخر وبرضه على الجانب الآخر لازم نعرف إن الطرف المسرف بيحتاج ينفس عن نفسه كل شوية وما نعملش مشكلة من شئ زي ده

 

٢- الحاجة إلى الترف من آن لآخر

لازم برضه نعرف إننا بنحتاج للترف من فترة لأخرى كنوع من التغيير وإن دى الطبيعة البشرية اللى بتزهق وتمل من الروتين .. يعني مفيهاش حاجة لما زوجك يآخدك من آن للتانى للأكل برة أو يشتري حاجات مالهاش لازمة

 

٣- إعطوا للطرف الآخر مساحة 

علشان ما تتضايقوش ولا تتعبوا الميزانية … إقتطعوا جزء ولو صغير فى البداية للطرف المسرف يتبحبح فيه بالمصري يعني يصرفه كيف يشاء .. أكل برة شراء حاجات مالهاش لازمة للبيت من وجهة نظركم وهكذا يعني مثلا – كل حسب ميزانيته – ممكن يا عزيزتي القارئة تقولي لزوجك عندك مبلغ كذا فى الشهر ليك إتصرف فيه كيفما شئت .. عايز تصرفه مرة واحدة ماشي .. عايز تصرفه على كذا مرة براحتك بس ما يتعداش المبلغ ده فى الشهر .. يعني أو يحاول بقدر الإمكان وبكده تكوني قللتي الخسائر والمفاجآت

 

٤- فى بعض الأحيان بيكون الغالي تمنه فيه

فى حالات معينة بيكون من الأحسن شراء شئ بأغلى من سعره .. مثلا لضمان الجودة .. أو تأمين المنتج وهكذا .. يعني خلوا الأفق عندكم واسع شوية

 

٥- الحوار الحوار الحوار

غريب إن البعض متزوج ولا يتحاور… مفيش لغة مشتركة بين الطرفين .. طبعا أنا مقدرة إن دى ممكن تكون الحالة فى الكثير من الزيجات لكن حاولوا بشتى الطرق يكون فيه حوار بينكم .. تقعدوا مع بعض وتتفقوا على الميزانية وأوجه صرفها وإيه اللي بيضايقكم من بعض ومحاولة التوصل لحل أو مجرد الفضفضة علشان كل طرف يعرف موقف الآخر

 

٦- طيب مش يمكن هى دى طريقة التعبير عن المشاعر

خطرت فى بالكم دي؟؟ يمكن هي دي طريقة تعبير الطرف الآخر عن مشاعره وتقديره وحبه … أكل برة أو فسحة أو هدية .. مين فينا ما يحبش كده؟!! بجد

 

٧- نقول الحمد لله

فيه  زوجات أو أزواج الطرف الآخر عندهم بيستخسر يصرف على أى شئ وكل شئ … حتى على نفسه .. مش لدرجة البخل .. بس فيه ناس فعلا بتشيل هم بكرة لدرجة إنها بتنسى تعيش النهاردة .. طالما الإسراف في حدود .. يعني مثلا مش بيروح يصرف ألف دولار مرة واحدة وإنتي قاعدة تقصي فى كوبونات فالحمد لله

 

٨- طلب المشورة من المتخصصين

لو الحالة زيادة بقى عن اللزوم ومش عارفين تتعاملوا مع الموقف … لو المشكلة بتكبر وبتسبب بعد وكره بين الطرفين .. أنصحكم تروحوا لإستشاريين العلاقات الزوجية .. ممكن تروحي لوحدك لو زوجك مش راضى – هى هتبقى غريبة لكن بتحصل – الإستشاري مش هيحل لك الموضوع لكن هيعلمكم التعامل مع الموقف بدون ضغط نفسي وعصبي عليكم .. وحقيقي أتمنى إن الموضوع ما يوصلش لحد كده

 

٩- أشجعك على الإستمرار في سياساتك الإقتصادية

بلاش المثل اللي بيقول ضربوا الأعور على عينه ده أرجوكم …تخيلي الموقف لو إنتم الإتنين مسرفين ومحدش فيكم بيلم الميزانية أو على الأقل بيحاول بكل الطرق المتاحة … هنوصل لإيه؟ … أشجعك على الإستمرار فى الكوبونات ومتابعة الديلز وخلافه صدقيني لو بتحسبي كل مرة بتروحي الستور بتوفري قد إيه تعالي بعد ٦ شهور كده وإجمعي المبلغ… هتتبسطي من نفسك

أتمنى إني أكون ساعدتك على الأقل في تقبل الموقف … والرجوع إلى الكوبونات ويا ريت لو حد عنده طريقة أو يحب يقول كلمة  أو يساعدها برأي .. أو يشاركنا تجربته يقول لنا فى التعليقات

حتى ٢٥ ديسمبر ٢٠١٣ كل يوم هيكون فيه كود جديد لديزني ريواردز

تآخدوا ٥ نقطة من ديزني موفى ريوارد CTC19JM كود اليوم هو

لو ما تعرفوش البرنامج … هو برنامج من ديزني ندخل فيه أكواد من منتجات ديزنى اللى بنشتريها ونآخد نقط وبالنقط دى نقدر نحولها لجوائز من ديزني

 أوراق تعليمية جنجربريد مان هنـــــا

أوراق تعليمية من ثري دايناصورز هنـــــا

بقالنا فترة الحقيقة متوقفين عن البري سكول المنزلي والحمد لله عدنــا ونستأنف النشاط

المهارات الجديد هذا الأسبوع: بداية تمييز المختلف من المتشابة والكبير والصغير بالإنجليزية

 مستمرين في تنمية مهارات التتبع بالقلم وبدأنا هذا الأسبوع سورة الفاتحة

 

تنمية مهارة الكتابة: عملنا جزء من الخطوط الطولية هنـــــا  عملنا الخطوط متعرجة قليلا تلاقوها فى الفايل الأول

 

وهنـــا بدأنا فى التمييز بين البيج والسمول علشان نعرف معناهم بالإنجليزي .. من نفس اللينك اللى فوق

وأيضا حاولنا نميز المختلف من نفس مجموعة الأوراق

القـرآن :: بدأنا أول آيتين فى سورة الفاتحة الحمد لله عقبال ما نخلصها وعليكو خير فيها ٥ شهور قدام هههه

لو عايزين تشوفوا الأسابيع السابقة

الأسبوع الأول

الأسبوع الثانى

الأسبوع الثالث

الأسبوع الرابع

الأسبوع الخامس

 من ٦- ١٢ ديسمبر مترو كندا عنده جريفي ميكس @ ٩٩ سنت وعندنا دولار ريبيت من تشيك أوت٥١ يبقى فري بعد الريبيت

يباع @ ٩٩ سنت Club House Gravy *

عندنا ريبيت ١$ من تشيك أوت ٥١ هذا الأسبوع

تبقى فري بعد الريبيت والعرض