هول فوودز هي مجموهة من الستورز متواجدة في أمريكا وكندا وإنجلترا
الشوبينج في هول فوودز ممكن يكون مخيف شوية بالنسبة للبعض وأنا كنت منهم لأن أيعاده تعتبر عالية وذلك لجودة المعروضات فيه يعني الخضروات والفواكة … الحبوب السيريال أغلب معروضاته والمنتجات هناك أورجانيك وده طبعا أفيد لينا وأحسن لصحتنا
لكن في نفس الوقت مش كويس لجيوبنا لكن نقدر نستخدم كوبونات في هول فوودز وعروض وأحيانا بيكون فيه حاجات فري كمان تعالوا أقول لكم على شوية حاجات خاصة بهول فوودز تساعدكم لو حبيتم تبدأوا الشوبينج هناك
ملحوظة : الحاجات دي أغلبها لأمريكا وكندا لكن يا ريت تسألوا عنها لو إنتم في إنجلترا لأني مش لاقية تأكيد عليها
إيه هي قواعد إستخدام الكوبونات في هول فوودز؟*
هول فوودز عنده قواانين عامة لإستخدام الكوبونات تلاقوها هنــــا لكن كل مدير للستور يقدر يحط قواعد تانية زيادة أو يسهل أو يمشي حاجات مثلا وحاجات لأ .. إرجعوا للستور علشان تعرفوا شروطهم وقواعدهم الكوبونات أنا شفتها لأمريكا وكندا لكن ما شفتش لإنجلترا
لكن في الأغلب تقدروا تستخدموا كوبون هول فوودز + كوبون من الشركة المصنعة للمنتج على نفي المنتج يعني ٢ كوبون على المنتج الواحد وتقدروا تستخدموا الكوبونات على أي منتجات عليها عروض … لو الكوبون قيمته أعلى من قيمة المنتج مفيش موني ميكر يعني ما نقدرش نآخد باقي قيمة الكوبون وتخصم من إجمالي الفاتورة
إشتـــروا بالجملة*
هول فوودز بيعمل فلاير وموجوده على الويب سايت بتاعه بيكون فيها أسعار الأسبوع والتخفيضات وهتلاقوا فيها أسعار الجملة يعني مثلا كيس أرز ١٥ باوند .. دقيق ٢٠ باوند وهكذا بتكون أيعاره حلوة جدا بالذات لما بينزل عليها تخفيض
Case إشتروا بالـ *
في هول فوودز تقدروا تآخدوا ١٠٪ تخفيض لو إشتريتم بالطريقة دي .. طيب يعني إيه ؟ يعني مثلا عندي منتج هأشتريه ولنفرض مثلا كيس خضار مجمد هنلاقي على التاج بتاعه في الستور مكتوب عدد الوحدات اللي نشتريها من الستور علشان نآخد الـ١٠٪ تخفيض بتاع الكيس … مثلا لو إشتريتوا ١٢ هتآخدوا التخفيض بس لازم وإنتم عند الكاشير تقولوا لهم أنا بأشتري ده بالكيس
I am buying a case of …….
الصورة تحت هنـــا بتوضح مكان عدد الكيس لكل منتج بالستور مثلا هنا في الصورة الأولى العدد ١٢
وهنا العدد ٨
ويا سلام لو المنتج عليه تخفيض يبقى بنعمل فرق هايل فعلا
بس يا ريت ما تشتروش أي حاجة والسلام علشان تحسوا بالفرق .. يعني إشتروا الحاجات اللي أولا إنتم متأكدين إنكم هتستخدموها قبل ما الصلاحية تنتهي وثانيا الحاجات اللي تقدروا تخزنوها صح وفي مكان سليم
خدوا معاكم الشنط بتاعتكم*
لو أخدتم معاكم الشنط بتاعة الشوبينج زي الشنط القماش دي هيعملوا لكم تخفيض ١٠ سنت على كل شنطة .. المبلغ مش كبير لكن تخيلوا لو عملتوا شوبينج مثلا في ٧ شنط وتآخدوا ٧٠ سنت حلو برضه واللا إيه
بصوا كويس على الريسيت وراجعوا الأسعار *
لو إشتريتوا حاجة سعرها مثلا ٨.٩٩ دولار ولقيتوها في الريسيت محسوبة ١٠.٩٩ روحوا عند الكاستمر كير هيرجع لكم التمن بالكامل اللي هو ١٠.٩٩ دولار ولو إشتريتوا أكتر من حاجة وسعرها خطأ هتآخدوا السعر بالكامل على أول حاجة فقط والباقي هيتعمل لكم تعديل للسعر ولو المنتج بالجملة هتآخدوا أول باوند فقط فري
السياسة دي متغيرة من فرع لفرع وعلشان كده إسألوا الأول في الكاسنمر كير
سجلوا معاهم بالإيميل *
إشتركوا مع هول فوودز في الإيميل ليست توصل لكم عروض وتبقوا عارفين عروض اليوم الواحد أول بأول
دايما بصوا على الكوبونات قبل الشراء *
راجعوا دايما الكوبونات من هول فوودز ويب سايت قبل ما تشتروا يمكن تلاقوا كوبون على شيئ إنتم محتاجينه