أنشطـة للأطفال
Home Schooling مصادر ومناهج فري للتعليم المنزلى
**** مصـــادر ومناهج مختلفــة فرى للتعليم المنزلى ********
دلوقتى فيه تخفيضات بتارجت على منتجات الإيستر ومنها البيض البلاستيك الملون
هنـــــــا مجموعة من الأنشطة التعليمية اللى ممكن تستفيدوا بالبيض فيها
وهنــــا تقدروا تطبعوا لعبة عن الولايات المتحدة الأمريكية
وهنـــا هتلاقوا مجموعة من الكتب التعليمية عن بعض البلاد بأفريقيا ومنها مصر والمغرب
ولمــدة محدودة هنـــــابمناسبة الشهر العالمي للتوحد فيه ١٩ أبليكيشن تعليمية فري
إعملوا تسجيل هنـــا يوصلكم كتاب فري عن الهوم سكولينج – كل شئ تريدون معرفته
ومن هنـــا مطبوعات فري تشيك ليست يومي للهوم سكولينج
وهنــــا فري عدد أبريل من مجلة أولد سكول هاوس
وهنـــــامجموعة للطباعة عن المساعدات المنزلية للأطفال حسب سنهم
أيضــا هنـــا مجموعة أوراق للطباعة للسكيب كاونتينج مفيدة جدا
وهنــا كتاب يشرح أهمية الألوان فى التعليم المنزلي
وهنـــا لتعليم الكسور والديسيمال بوينت والنسبة المئوية
وهنـــا مدونة الثلاث ديناصورات بتقدم مجموعة للربيع
إنتظـرونى فى المـزيد إن شاء الله
Photo Credit
Finger Paint نشـاط للأطفـال : تلوين بالأصابع
النهــاردة عنــدنــــا نشـــاط جميل وسهل ومكوناته متوفرة فى البيت وهو التلوين بالأصابع
المكــونــــــات
٢/١ كـوب نشـــــا
٤ معلقـة كبيـــرة سكر
٢ كــــوب مــــاء
ألــوان طعـــام
زيـوت لإعطاء رائحة حلوة للألوان مثل زيت النعناع والقرنفل وغيره أو
ممكن تعملوا زى ما أنا عملت لأن مكانش عندى زيوت فممكن نستخدم
فانيليا بودر أو قرنفل بودر مطحون – بهارات مطحونة – قرفة وهكذا
نذيب النشا قى الماء مع السكر على النــــار ونتركه حتى يتخن قليلا
نضع فى أطباق البهارات المطحونة والقرنفل وغيره
نصب الخليط فى الأطباق ونضيف الألوان ونقلب جيدا
ونبدأ الإستمتاع والتلوين والإبتكار
وإطلقوا لخيالهم العنـــــان
أنا خليتهم يلونوا على ورق أبيض وأيضا على كرتون من علب السيريال
أتمنى يكون نشاط الأطفال اليوم عجبكم
إصنع(ـى) بنفسك – هوت تشوكليت ميكس- يعنى بالعربى :) كاكاو
النهاردة عملنا هوت تشوكليت ميكس الأولاد عملوه هدية للمدرسين بتوعهم
نصحتني صديقة لى بعمل هدايا بسيطة من آن لآخر للمدرسين بمدرسة الأولاد
مش تملق ولا حاجة لأننا مش محتاجين نتملقهم لكن ده بيبين إننا مقدرين فعلا جهودهم
وبنعطيهم صورة حلوة عن العرب عامة سواء مسلمين أو غيره إننا ناس بنحب غيرنا ومش متحجرين وبتزود الود
على العموم طبعا كل واحد خر فى آرائه أكيد المهم لو عايزين تعملوا هدية للمدرسين دى حاجة بسيطة
تقدروا تقدموها لهم فى فصل الشتاء فى أى وقت لأنها بتدفى وحلووووووة
هنحتاج الآتى
٤ أكواب لبن بودة أى نوع – إستخدمت النيدو لأنه كان عندى
علبة كاكاو نسكويك ٢١.٨ أونص
علبة كوفى كريمر أى نوع ١٦ أونص
١ كوب سكر بودرة
الطــريقة
فى وعـــاء عميق نخلط المكونات معا جيدا …. وبــس كــــده خلاص
إشتريت برطمانات ماسون مشهورة قوى تلاقوها فى دولار ستور وكمان ممكن فى الثريفت ستور وأكيد موجودة بولمارت
وحطينا معاها مارشميللوا لأنهم بيحبوه كده … بيكون طعمه حلو
وطبعنـــا ستيكرز من الإنترنت للبرطمانات وكتبنا عليها المواصفــــات
وعطيناها للمدرسين وعجبتهم وقالوا طعمها حلو فعلا … فكرة بسيطة وسهلة
والأولاد ممكن يعملوها بسهولة وبإشراف بسيط منكم
باسكيت زبالة من ورق الجرائد – اوريجامى بروجيكت- نشاط للأطفال
عندى طفل مولع بالأوريجامى .. والويك إند كان ساقع عندنا وكله كان فى البيت
وطبعا لازم نشوف حاجة نشغلهم بيها وإلا …… إنتو عارفين اللى بيحصل ووقع فى إيديى
ويب سايت جميل جدا عن الأوريجامى وإن شاء الله نقوم بتطبيق العديد من الأشكــال
المرة دى إخترنــا إننا نعمل ميني باسكيت من ورق الجرائد وكان عندنا كتير منها
هتلاقوا التعليمــــات هنــــــا … سهلة بس محتاجة تركيز شوية مع الأولاد
ده الحجم اللى هتحصلوا عليه من ورقة جرائد هنا عادية
طبعا الحجم صغير جدا بس الحجم ده عملناه وقررنا إنه يبقى جنبنا على المكتب وإحنا بنعمل الهومورك علشان برى الأقلام
وهنــا الأحجام التلاتة الأخرى اللى عملتها أنا وأولادى ممكن توصولوا ورقة مع إتنين باللصق أو توصولوا ورقتين مع بعض
ودى الخطوات التفصيلية والشرح اللى فى الويب سايت كفاية بس لازم تكونوا مع الأولاد
وهنا اكبــر إتنين عملناهم
وهنا زووووم على الكبير علشان تشوفوه كويس
وهنا منظره الداخلى
تقريبا حجمه ١٥ سم * ١٥ سم .. هأحطه فى العربية ليهم علشان يحطوا فيهم المناديل الورقية
طبعا التراش كان دى مش يعنى للمطبخ بقى ونرمى فيها بواقى الغدا لأنها مش هتستحمل دى
يعنى يا دووب حاجة كده يتحط فيها مناديل أو ورق مقطع أو ورق السناكس
المهم إنها عجبت الأولاد .. أتمنى تطبقوها قريبا
الصخور الملونة – نشاط للأطفــــال
نشاطنا اليوم ظريف وخفيف وغير مكلف ويسعد به الأطفال كثيررررررا
كل ما نحتاج إليه
١- مجموعة من الصخور ذات الحجم المناسب ملساء لسهولة التلوين عليها
٢- ألوان شمع – كرايونز – منزوع منها الغلاف الورقى الخارجى
٣- فرن – وصينية فرن أو بيكينج شيت
الطريقة سهلة جدا جدا لكن محتاجة حرص بالذات مع الأطفال الصغار
نسخن الصخور بالفرن على ٣٥٠ درجة فهرنهايت لمدة ١٥ دقيقة تقريبا
يمكن تسخينها على فويل أو فى صينية خاصة بالخبيز
طلعوا الصينية من الفرن مع الإحتراس طبعا لأنها هتكون ساااخنة
نضع الصخور للأطفال على ورق كارتون أو حتى على الأرض بالباك يارد وننبههم أنها ساخنة
ملحوظة : يجب الإحتراس والبقاء مع الأطفال أثناء التلوين
نطلب من الأطفال أن يمسكوا الألوان ويبدأوا الرسم على الصخور
ألوان الشمع تذوب بمجرد ملامستها لسطح الصخور ويشتمتع الأطفال بالتلوين
تزين بها الحديقة أو الباك يارد أو تستخدم تقيلة ورق
Paper weight
أتمنى يكون نشاط اليوم عجبكم
نشاط للأطفال الصغار – مطابقة الألوان
من فترة وفى الكليرانس بتاع الإيستر .. إستغليت الفرصة وإشتريت مجموعة من البيض البلاستيك
من تارجت وكان عليه تخفيض ٧٥٪ إشتريته ب ٢٤ سنت الباكيت
وعملت بيه مجموعة من الأنشطة لإبنى الصغير ( ٢٠ شهر حاليا) هأويهالكم تباعا
بصراحة أنا متأخرة جدا وكسولة جدا فى تعليم الولد ده وسايباه لإخواته يآكلوه هههه
لكن إن شاء الله هأتابعه كويس وأعمل له أنشطة مختلفة وأوريكم وآخد رأيكم
المطلــوب لهذا النشاط
كرتونة بيض فاضية (- إستخدمت نصف كرتونة كبيرة وممكن أقل حسب رغبتك
بيض بلاستيك بألوان مختلفة
ألون ماركرز أو شمع على حسب نوعية كرتونة البيض
الطريقة
نلون الكرتونة من جوة كل خانة بلون البيضة أو لون مقارب جدا للبيضة
ونحط كل بيضة فى مكانها فوق اللون بتاعها ونبدأ نعلم الطفل إزاى ممكن يرص البيض
هنا فى الأول وأنا بأحاول أشرح له الطريقة
وهنا سيبته يحاول لوحده
والإنفعال عمل عمايله هههه وبرضه مش راضى يفهم
وهنا بقى بيفك البيض وبيركب أى لون فى أى لون وخلاص – لو تلاحظوا هنا حاطط الأصفر مع الروز
وفى النهاية فكهم كلهم وقعد يلعب بيهم كده هههه
وطبعا بيوقع منهم على الأرض وآخر هبل … بس كان مبسوط قوى باللعبة الجديدة
هو لسه مش فاهم ومش عارف برضه بس حبة حبة إن شاء الله هيفهم .. لا يأس مع الحياة
وقلت ممكن فى الأول أعلمه مطابقة الألوان عن طريق كل بيضة
يعنى يجمع نصفى البيضة اللى ليهم نفس اللون
وأهه بنحاول وإن شاء الله نشوف نتيجة قريب
أرجو أن يكون عجبكم النشاط النهاردة ولو طبقتوه شاركونا تجربتكم