Amira

الخرز المنصهر نشاط خفيف وسهل للأطفال وغير مكلف نقدر نشتري الخرز من ولمارت أو حتى الدولار ستور عملنا بيه حاجات حلوة كتيرة تعالوا نشوف

هنحتاج :: خرز ألوان وصواني فرن وفرن أو يستحسن شواية خارجية

أولا : هنخلي الأطفال يعملوا أفكار وأشكال إبداعية وينفذوها بإستخدام الخرز بألوان مختلفة

نسخن الفرن على ٤٠٠ فهرنهايت وندخل الصينية ونتركها حوالي ٣٠ دقيقة بس تكون عيننا عليها يعني لا نغفل عنها

طريقة أسهل بكتير إننا لو عندنا شواية خارجية نسخنها ونضع الصواني فيها مش بتآخد ٧ دقائق ثم إن البلاستيك لما بيسيح بيعمل ريحه كده فالأحسن تكون برة البيت

لو عندكم فرن صغير ممكن تحطوه في البلكونة وتشتغلوا بيه ده لو ما عندكوش شواية خارجية

نتركها تبرد ثم نطلعها من الصواني .. الأولاد عندي حاولوا يعملوا شكل على علامة السلام في صينية مدورة .. ما طلعتش منتظمة قوي بس شكلها لطيف

خرمناها من فوق بواسطة الشينيور أو ممكن نسخن مسمار حامي ونخرم بيه وسط البلاستيك .. وربطنا فيه أي شريط حلو ويبقى سلسلة للبنوتات

 sun catcher أو نعلقه ويبقى

وعملنا برضه عليقة للمفاتيح ظريفة ممكن يحطوها على شنطة المدرسة .. يعني فيه أفكار كتيرة نقدر نستخدمه فيها

أتمنى يكون عجبكم وإلى لقاء آخر في نشاط جديد

أنشطة أخرى قد تعجبكم

العجينة المالحة

المطاط اللزج

اثعبـــان الفقاقيع الملون