ناس كتير بتطنش الإشتراك فى السامبلز وممكن تحس إنها هيافة أو تضييع وقت
هى طبعا ممكن تآخد وقت فى إدخال البيانات والذى منه
لكن من وجهة نظرى الإشتراك فى السامبلز مهم جدا لعدة أسباب منهـــا
١- طلب السامبلز بيتيح لنا الفرصة فى تجربة المنتجات الجديدة من غير ما ندفع فيها فلوس
ومن غير ما نضطر نشترى عبوة كبيرة الحجم بدون إحتياج حقيقي لها
٢- عادة السامبلز بتيجى معاها كوبونات عالية القيـمـــة فى الغالب لا نجد مثلها فى
الكوبونات اللى بتيجي مع الجرنال أو اللى بنلاقيها فى الستور
٣- فى أحيان كثيرة السامبلز بتسعفنا وتنفعنا لما تخلص من عندنا بعض المنتجات
مثلا شامبو أو بلسم وكتير بتحصل فى صابون الغسيل
٤- ممكن إستخدام السامبلز إنكم تعملوا جيفت باسكيت مثلا لواحدة صديقتك مريضة
أو مثلا جاية عندك زيارة أو إنتى رايحة عندهم وبرضه ممكن تعملة باسكيت صغير
تحطى فيه مجموعة من السامبلز بتاعة الشامبو ومعجون الأسنان وخلافه لو فيه
عندك ضيوف جايين وهيباتوا عندك كام يوم بتكون ظريفة جدا وحركة شيك منك
٥- السامبلز بالذات الشامبو والبلسم بتكون ظريفة فى الرحلات وخفيفة مفيش داعى
إنكم تشيلوا علب كبيرة أو تدفعوا مبالغ فى العلب الصغيرة .. السامبلز بتكون فرى
وحجمها مناسب جدا جدا
دى بعض الإستخدامات اللى أنا بأشوفها مهمة للسامبلز ومريحة ودافع قوى إنى أشترك
فى كل وأى سامبل تقع عليها عينى هااه إيه رأيكم؟
[…] مكسلين تطلبوا السامبل إقروا الموضوع ده أعتقد هيشجعكم Filed under عروض أمريكا | Leave a […]