السلام عليكم
اليوم صباحا كان عندنا تلج بس الحمد لله خفيف .. يا مسهل لما نشوف اللي هيحصل لنا الشهرين دول.. إحنا عندنا شهر مارس وأبريل بيكون فيهم تلج كتير بس الحرارة بتكون معقولة مش زي يناير وفبراير بس شهر فبراير السنة دي كان كويس والحمد لله ربنا يديمها نعمة 
وما نغرقش في التلج والساقعة
وبمناسبة الشتا وإنه خلاص بيشطب في بلاد كتير أحب أقدم لكم الشوربة دي جميلة ومغذية وبتدفي جدا جدا وتنفع للرجيم بس شيلوا منها الكريمة ولو إنها مش كتير يعني بس نتيجة وجود الفلفل الحراق فيها تنفع للرجيم جدا
إن شاء الله توقعوا المزيد من الوصفات الصحية وكمان حاجات للجمال تساعد على الرجيم بأعمل لها إختبار علي دلوقتي بس مشكلتي فعلا في الإلتزام .. أنا مش ملتزمة بحاجة خالص بس علشان خاطر أفيدكم بتجربتي لازم ألتزم ولما نشوف هنوصل لفين بإذن الله
الشوربة دي ريحتها وطعمها رووعة فعلا أنا أول مرة أجرب الريحان في الشوربات يعني إحنا العرب مش متعودين عليه أوي في مطابخنا أ على الأقل في المطبخ المصري بس فعلا جميل
أتمنىت جربوها وإن شاء الله تعجبكم
أترككم مع الفيديو والوصفة مكتوبة وشكرا ليكم
شوربة الريحان والكزبرة الخضرا والفلفل
2016-02-23 10:57:42
شوربة لذيذة سبايسي و بتدفي
Ingredients
- ١ كوب كزبرة خضرا - مقطعة
- نصف كوب ريحان طازج
- ٤ ثمرات طماطم صغيرة
- بصلة صغيرة مقطعة
- فصين ثوم
- ١-٢ قرون فلفل حراق
- ٢ كوب مرقة أو ما يعادلها ماء + ماجي
- ملح حسب الرغبة
- ربع معلقة صغيرة كركم
- ١ معلقة كبيرة صلصة طماطم
- إختياري : ربع كوب كريمة الطبخ
Instructions
- في حلة على نار متوسطة نضع المكونات كلها عدا الكريمة والصلصة والكركم
- نتركها تغلي وتطهى تقريبا لمدة ٢٠ دقيقة حتى تمام السوا
- ترفع من على النار وتخلط بالخلاط الكأس أو أي خلاط عنكم
- نرجعها على النار ونضيف الصلصة والكركم والكريمة
- نتركها تآخد غلوة ونظبط الملح
- تغرف وتقدم ساااخنة
- وبالهنا والعافية
مغتربة http://moghtareba.com/
Leave a Reply