مطبخ مغتربة :: بطاطس كروكيت صحية أكثر

السلام عليكم

النهاردة معانا وصفة يحبها الكبار والصغار وهي طريقة عمل البطاطس الكروكيت بطريقة صحية أكتر

إزاي صحية أكتر .. بإننا هنضيف لها الحمص المهروس مع البطاطس المهروسة وبكدة بنزود البروتين و الألياف والفيتامينات والمعادن

تقدروا تحشوها أي حشوة تفضلوها .. التقليدي طبعا هي حشوة اللحمة المفرومة لكن ممكن نحشيها جبنة أو خليط من الأجبان وممكن نحشيها دجاج أو نشيبها زي ما هي كدة سادة برضو تطلع حلوة إن شاء الله

بالنسبة للقلي تقدروا تقلوها في زيت خفيف أو ممكن نحطها بالفرن وتبقى بدون زيت نهائي وده أصح بالتأكيد

لأنا حبيتها محشية لحمة مفرومة وأولادي بيحبوها سادة وممكن نحشيها جبنة موتزاريللا مثلا مع زيتون تبقى رووعة

البطاطس لازم تتحط بالفريزر بعد التشكيل علشان ما تفكش وقت القلي في الزيت وعن نفسي أنا بأعملها وأشيلها بالفريزر فترة في أكياس محكمة الغلق وتطلع وقت الزنقات .. بس يا ريت ما تركنوهاش أكتر من ٤ شهور علشان ممكن تآخد من ريحة الفريزر .. تبقا هايلة مع إستعداداتنا الرمضانية نعمل كمية ونحطها بالفريزر وتسعفنا وقت الحاجة .. وبألف هنا

أسيبكم مع الوصفة بالتفصيل

For the recipe in English CLICK HERE … Hummus potato fingers

بطاطس كروكيت - صحية أكثر

2016-01-25 13:27:15

Write a review

Save Recipe

Print

Ingredients

1. ١ باوند بطاطس
2. ١ علبه - ١٥ أونص - حمص جاهز أ و نفس الكمية حمص مسلوق
3. ملح وفلفل - حسب الذوق

للحشو - إختياري

1. لحمة مفرومة معصجة أو جبنة موتزاريللا مع زيتون مقطع أو قطع دجاج مسلوق ومتبل

للتغطية

1. ٢ بيضة متبلة بالملح والفلفل
2. دقيق أبيض وبقسماط
3. زيت بسيط للقلي أو بخاخ الزيت لو هتحطوها بالفرن

Instructions

1. تقشر البطاطس وتقطع مكعبات ثم توضع في حلى على النار وتغطى بماء بارد مضاف إليه حوالي ملعقة ملح
2. عند الغليان نهدأ النار وتترك لتستوي حوالي ٢٠ دقيقة ونختبرها من آن لآخر بالشوكة
3. عند تمام النضج تصفى وتهرس بالشوكة جيدا
4. يمكننا إضافة الحمص المسلوق مع البطاطس وهرسهم بالشوكة معا لإظهار بعض من حبات الحمص أو بالإمكان هرس الحمص بالخلاط ثم وضعه على البطاطس المهروسة
5. نتأكد من الملح والفلفل بالخليط ثم يشكل على هيئة صوابع ويحشى باللحم المفروم أو بحشوتكم المفضلة أو يترك سادة كما هو
6. توضع الصوابع الفريزر حتى تجمد تماما - بالإمكان وضعها بالفريزر حتى ٤ أشهر
7. توضع بعد ذلك في الدقيق ثم البيض ثم البقسماط وبالإمكان قليها في قليل من الزيت وليس قلي غزير أو وضعها بالفرن - ٤٠٠ فهرنهايت- مع رشها ببخاخ الزيت ونقلبها في نصف المدة حتى تأخذ اللون المطلوب
8. وبالهنا والعافية

مغتربة http://moghtareba.com/