مطبخ مغتربة :: من الكويت – كيكة قرص عقيلي

السلام عليكم

اليوم معايا طريقة كيكة جميلة جدا جدا وهي طريقة عمل كيكية قرص عقيلي الكويتية

الكيكة دي على حد علمي كويتية الأصل بس بصراحة جميلة مليانة ريحة أهلنا في الشرق الأوسط لأن فيها هيل وزعفران وكمان ماء الورد

لونها أصفر جميل ورائحتها حلوة .. الحقيقة أنا عملتها بماء عادي مش بماء الورد علشان إحنا مش بنحب أوي ماء الورد في الحلويات لكن ممكن تستخدموا نصف الكمية ماء ورد والنصف التاني ماء عادي يعني اللي تحبوه ويكون مفضل ليكم ولعائلتكم

الكيكة مكوناتها سهلة وطريقة عملها سهلة وبسيطة ومفيهاش إفتكاسات بس كل اللي علينا إن يكون عنجنا الهيل والزعفران لأنهم مكونات أساسية في الكيكة دي وطبعا ماء الورد للي بيحب

ممكن ترشوها من فوق بالسكر البودرة زي ما أنا عملت أو تعملوا لها آيسينج بتحبوه يعني .. بس ما تعلموش حاجة فيها نكهات كتير علشان ما تضيعش نكهة الكيكة الجميلة

أتمنى تعجبكم  وإن شاء الله تجربوها .. وتحية من أمريكا لأهل الكويت الكرام على هذه الكيكة الراااائعة فعلا

أسيبكم مع الفيديو والوصفة التفصيلية

For the recipe in English Click here …. Gers Ogili cake from Kuwait