السلام عليكم
وصفة اليوم سهلة جدا جدا وحلوة وبتعمل كمية كبيرة يعني ممكن لو عندنا ضيوف تسد معانا تمام هي مشكلتها حاجة واحدة بس .. إنها مش للناس بتوع الرجيم فطائر مقلية بالتفاح ومرشوشة بالسكر
تقدروا ترشوها بالسكر العادي أو البودرة أو تقدروا تغمسوها بالعسل أو السيراب – أولادي عملوا كده بالنسبة ليهم كانت محتاجة سكر إنما بالنسبة لي أنا كانت كفاية جدا علي .. لو إنتو بتحبو السكر زيادة ممكن تزودوا السكر في العجينة أو تبقوا تحطوها في عسل أو حتى شربات بارد وهي ساخنة
مقاديرها ومكوناتها سهلة ومش محتاجة إفتكاسات في عملها أتمنى تعجبكم
فطائر التفاح المقلية
2015-10-15 17:30:08
سهلة ولذيذة تصلح للتحلية أو للإفطار مع سيروب زي البانكيك
Ingredients
- ٢ ونصف كوب دقيق أبيض
- نصف كوب لبن بودرة
- ٢ م كبيرة بيكنج بودر
- ١\٣ كوب سكر أبيض
- ٢ بيضة
- ١ كوب ماء
- ٢ تفاحة مقشرة ومبشورة
- رشة ملح
- رشة فانيليا - إختياري
- زيت للقلي
- للتغطية : سكر مخلوط مع قرفة أو سيراب أو قطر اللي تحبوه
Instructions
- في طبق عميق نخلط المكونات الجافة معا الدقيق- السكر- اللبن الجاف- الملح والبيكنج بودر
- نضيف البيض ورشة فانيليا إذا حبيتوا
- ثم الماء ونخلط جيدا
- نضيف التفاح المبشور ونخلط المكونا معا
- نسخن الزيت للقلي
- بواسطة معلقة نضيف أجزاء من العجين
- يقلى من جميع الجهات حتى يصبح ذهبي اللون
- يرش بالسكر أو السيراب وبالهنا والشفا
مغتربة http://moghtareba.com/
Leave a Reply