السلام عليكم … الجو متقلب عندنا جدا جدا حبة فوق وحبة تحت يوم برررد وهوا ويوم حر !!! لأ يوم إيه ده ساعة وساعة الصبح برد وباليل برد وما بينهما صيف حاجة ملخبطة خالص على العموم هو ده تغير الفصول يا ترى إيه أخبار الجو عندكم أتمنى يكون أحسن من هنا .. نبدأ الأسبوع إن شاء الله بالمنيو أتمنى تعجبكم
إفطار : شيبسي وساندوتشات
اللانش : ساندوتشات الجبنة مع اللانشون
الغدا :جلاش باللحمة المفرومة مع أرز وبسلة ودجاج مشوي
إفطار : سيريال
اللانش : ساندوتشات برجر
الغدا : وصفة جديدة في الطريق إن شاء الله
إفطار : وصفة جديدة في الطريق برضو إن شاء الله
اللانش : نودلز
الغدا :مكرونة بالصوص مع لحمة مفرومة معصجة
إفطار : تركي بيكون
اللانش :مكرونة وكفتة
الغدا : صدور دجاج مشوي مع خضار بالفرن وأرز
إفطار : سيريال
اللانش : بيتزا
الغدا : مع الأصدقاء
إفطار : بيض وجبنة وفول
اللانش : بيتزا بالجبنة
الغدا : هامبرجر وهوت دوج
إفطار : وافل
اللانش : ساندوتشات جبنة ولانشون
الغدا : بواقي
الحلو هذا الأسبوع : طبقات القرفة الشهية
Hedo says
ازيك ياام حسن وحشتينى والله مع انى واخدة على خاطري منك طبعا حابة تعرفي السبب؟؟هقولك ياستى انا سئلتك اكتر من مرة تقوليلى نصايح للنقل بس انتى مردتيش عليا خالص
Amira says
السلام عليكم .. لا لا لا أنا ما أقدرش .. خاطرك على دماغي من فوق والله ما تزعليش أنا بس متوترة شوية اليومين دول من إبني الكبير إدعي له ربنا يهديه أنا فاكرة فعلا إنك سألتيني عن النقل إنتو إيه أخباركم هتنقلوا خلاص من تكساس؟
Hedo says
ماله بس حسن ربنا يهديهولك يارب لا انا هنقل في مدينة تانية جوة تكساس بردة ناس كتير نصحوا جوزى انه ميغيرش الولاية انا بس خايفة للجيران الجدد يقلقوا منى لانى محجبة لو يضايقونى ربنا يستر
Amira says
المراهقة المبكرة ههههه
لا أبدا ما تخافيش طيب ده أنا أسمع إن تكساس فيها ناس كتيرة أوي محجبات
مش زي هنا تقريبا قليلين جدا بالذات في المنطقة اللي أنا فيها
Hedo says
يكماله هو بدا يحب ولا ايه هو بس فهمية يتعامل مع البنات ازاى في المرحلة دى قبل ماحد تانى يلعب بدماغة وربنا معاكى كنت عايزة اعرف منك انتى بتنضفي الارض الباركية ازاى
Amira says
ههههه لا لو على الحب هو بيحب من زماااااان
ربنا يستر والله تربية العيال مش بالساهل أبدا أبدا الله الحافظ
بالنسبة للأرضيات .. الراجل اللي كان بيعمل لنا شوية توضيبات في البيت كان إشترى بتاع إسمه بونا للأرضيات الخشب أنا بأستعمله لكن أول ما يخلص هأدور على حاجة هوم ميد أعملها