إصنعـ(ـي) بنفسك :: كريم مرطب باللافندر والياسمين

السلام عليكم

بما إن الشتا على الأبواب .. والشتا هنا معناه جفااااف رهييب وساقعة .. أنا هنا في الشتا تقريبا بأشرب الكريمات واللوشن وزبدة الكاكاو على طول في الشنطة

بما إن الكريمات الطبيعية غالية نااار واللي في متناول إيدينا الكريمات والمرطبات العادية اللي مليانة كيماويات ومش صحي إننا نحطها على بشرتنا دورت على طريق لعمل كريم مرطب طبيعي بالبيت ووصلت لطريقة سهلة وجميلة وبنفس الوقت طبيعية ومغذية للبشرة

 Essential oils الكريم ده ممكن تعملوه من غير الزيوت العطرية  هي إسمها

( أنا مش عارفة الترجمة بالظبط بالعربي)

 بالذات لو عندكم حساسية مفرطة للروائح إعملوه بدون الزيوت لكن أنا إستخدمت زيت اللافندر لصفاته المهدئة وإستخدمت زيت الياسمين لإعطاء الكريم رائحة جميلة حوالي ٢٠ نقطة من الأول و ٤٠ نقطة من التاني طبعا ده شيئ إختياري وحسب الرغبة في الرائحة .. لو عايزين تقرأوا أكتر عن الزيوت العطرية إقرأوا هنــــا

الزيوت دي تلاقوها عند العطارين بالدول العربية وهنا أنا بأشتريها من كينج سوبرز أو من الفارمرز ماركت أو أونلاين من أمازون فيها ماركات كتيرة أنا بألاقي الماركة دي متوفرة هنا أكتر في السوبر ماركت وسعرها معقول

 Bees wax إستخدمت أيضا الـ

بيتهيأ لي ده ترجمته شمع العسل  مش النوع اللي بيتآكل أعتقد ده تلاقوه في محلات عمل الشموع وهو عامة موجود على أمازون هنــــا فيه نوعين أصفر وأبيض أنا إستخدمت الأصفر لكن مفيش فرق بين الإتنين

إستخدمت كمان زيت جوز الهند مع زيت الزيتون ممكن تستخدموا نوع واحد فقط يعني الكمية كلها تبقى جوز هند أو الكمية كلها تبقى زيت الزيتون بس أنا قسمتها إتنين لأن رائحة زيت الزيتون بتكون قوية وصعب إننا نغطيها بسهولة

  فوائد زيت جوز الهند : مفيد جدا كمرطب للبشرة كما إنه له خواص مضادة للبكتيريا

فوائد زيت الزيتون : له خواص مضادة للإلتهاب كما إن له خواص مضادة للأكسدة

هنحتاج برضو برطمان أو علبة زجاجية .. الحقيقة أي برطمان قديم بيمشي الحال بس يكون نضيف تمام

بس خلاص بأخلطهم على بعض بعض ما ندوب الشمع في حمام مائي وبأستخدمه كأي كريم مرطب عادي حتى أنا بأستخدمه على الوجه

 الكريم ده تقيل لكن بيتشرب بسهولة في الجلد فلو الدنيا عندكم حر أو رطوبة عالية أو إنتم مش بتحبوا الكريمات التقيلة يبقى أعتقد ممكن تضايقوا منه .. لكن ممكن طبعا تجربوه بكمية صغيرة في الأول وتشوفوا مرتاحين واللا لأ لكن أنا بأقول لكم من الأول علشان تبقوا متوقعين الكثافة بتاعه تقريبا نفس كثافة الفازلين أو أقل بشوية

هنا فيديو قصير يوضح الطريقة وهتلاقوا الطريقة مكتوبة في البوست تحت .. أتمنى يعجبكم وتجربوه

كريم مرطب باللافندر والياسمين

2015-10-07 10:58:14

كريم صنع منزلي سهل مكون من مواد طبيعية ١٠٠٪ لصحة أفضل

Write a review

Save Recipe

Print

Ingredients

1. ١ كوب زيت زيتون*
2. ١ كوب زيت جوز الهند*
3. ٤ ملاعق كبيرة شمع العسل**
4. ٢٠ نقطة من زيت اللافتدر
5. ٤٠ نقطة من زيت الياسمين ***

Instructions

1. أولا نقوم بعمل حمام مائي في برطمان زجاجي لزيت جوز الهند مع زيت الزيتون والشمع مع التقليب
2. في برطمان آخر نظيف نضع زيت اللافندر مع زيت الياسمين
3. نضيف الزيوت السابق تسخينها للبرطمان النظيف ونخلطهم جيدا
4. نتركه حتى يبرد ونغطيه في هذه الأثناء بمنديل ورقي حتى يبرد تماما

Notes

1. * يمكن إستخدام المقدار كله من أي من زيت الزيتون أو زيت جوز الهند مع مراعاة إن زيت الزيتون رائحته قوية
2. ** Beeswax شمع العسل لإشتريته من أمازون اللينك في البوست
3. *** الزيوت العطرية شيئ إختياري إذا كنتم تعانون من الحساسية المفرطة للروائح يمكن الإستغناء عنها

مغتربة http://moghtareba.com/