مطبخ مغتربة :: ياكينيكو اللحم المفروم من اليابان

السلام عليكم .. اليوم إن شاء الله هأقدم لهواة التغيير  في الأكل منكم وصفة جديدة إسمها ياكينيكو من اليابان رأسا إليكم

الياكينيكو حسب ما فهمت إنه  أي نوع لحمة مشوية سواء بقى لحمة حمرا أو دجاج

المرة دي هنعمل ياكينيكو لكن بشكل جديد وسريع باللحمة المفرومة وكمان الصوص بتاعه سهل ومش محتاج إفتاكاسات

أنا من عشاق المطبخ الآسيوي بالذات الياباني والكوري لكن طبعا هم أغلب أكلهم بيحطوا فيه الساكي أو الميرين ودي كلها كحوليات أنا شيلتها طبعا في الوصفة

اللي متبعين رجيم ممكن يعملوا قوارب خس ملفوف فيها الياكينيكو رووعة أما لو مفيش رجيم نآكلها مع الأرز والمزيد من الصويا صوص

من هنـــا فيديو قصير يوضح إزاي نعملها أتمنى تجربوها وإن شاء الله تعجبكم

من اليابان : ياكينيكو اللحم المفروم

2015-08-19 04:23:38

الياكينيكو هو اللحم المشوي في اليابان واليوم نقدمه بصورة مبسطة وسهلة باللحم المفروم

Write a review

Save Recipe

Print

Ingredients

1. ١ باوند لحمة مفرومة
2. ٣ فصوص ثوم مهروس
3. ٤ م كبيرة صوص الصويا
4. ٢ م كبيرة زيت سمسم
5. ٢ م ك سمسم محمص
6. ٢ م كبيرة عسل أبيض
7. ١ م كبيرة صوص المحار وإسمه بالإنجليزية
8. Oyster sauce

Instructions

1. في طاسة على النار نسخن زيت السمسم ثم نشوح فيه الثوم المهروس
2. نضيف اللحم المفروم للثوم ونستمر في التقليب حتى قرب السوا
3. في هذه الأثناء تخلط مكونات الصوص معا العسل والسمسم وصوص الصويا وصوص المحار
4. تضاف خلطة الصوص على اللحم المفروم وتقلب على النار لمدة ٥ دقائق وحى تمام السوا
5. تغرف فوق الأرز أو نقوم بعمل قوارب خس محشي بالخلطة
6. وبالهنا والشفا

Notes

1. إذا لم يتواجد صوص المحار بإمكاننا إستبداله بالصويا صوص
2. يفضل إستخدام صوص الصويا قليل الملح

مغتربة http://moghtareba.com/