السلام عليكم
وحشتوني كتير ووحشني التواصل معكم والتدوين بشكل يومي ووضع أهدافي الإسبوعية و و … حقيقي واحشني جدا جدا الكلام هنا في المدونة معاكم
زي ما أغلبكم عارفين أنا الآن في مصر وطبعا إحنا في رمضان ودخلنا ولله الحمد في العشر الأواخر ومفيش وقت لحاجة خالص رزقني الله وإياكم ليلة القدر ولا تنسوني في صالح دعاءكم
كل عام وأنتم بخير أيام ويهل علينا العيد ويرتبط العيد عندنا في العالم العربي وفي مصر طبعا بالكحك والبتيفور و البسكوتات ومنها بسكويت لذيذ جدا جدا وسهل بشكل لا يوصف إسمه بسكويت اللانكشاير
البسكويت ده يموت عليه الكبار والصغار ويدوب في الفم وجميل ولذيذ .. سهل جدا جدا ونلصق كل اتين معا بالمربى أو شيكولاتة النوتيللا ويغمس من الخارج بالمكسرات المجروشة أو شيكولاتة الفارمسيلي أو جوز الهند المبشور
في بيتي حبينا البسكويت اللي ملتصق بالمربى أكثر من الشيكولاتة
البسكويت ده أصله من الإنجليز وأعتقد إنه إنتشر في مصر وقت الإحتلال الإنجليزي
أتمنى يعجبكم وتجربوه إن شاء الله … من هنا فيديو قصير يوضح طريقة عمل بسكويت اللانكشاير وبالهنا والشفا

بسكويت اللانكشاير
2015-07-09 12:55:54

بسكويت من بسكوتات العيد
Ingredients
- ١ وربع كوب زبدة بحرارة الغرفة.
- ٢/١ كوب سكر بودرة.
- ٢/١ كوب نشا.
- ٢ كوب دقيق.
- ١ بيضة مع رشة فانيليا.
- ٤/١ معلقة صغيرة بيكنج بودر.
- مربى وشيكولاتة ومكسرات مجروشة للتزيين.
Instructions
- نضع الزبدة في وعاء ونخفق جيدا
- ونستمر بالخفق حتى تصبح كريمي
- نضيف السكر البودرة والفانيليا والبيض
- ونخلط جيدا
- ننخل الدقيق والنشا والبيكنج بودر
- ونضيف بالتدريج لخليط الزبدة ونخلط جيدا
- نشكل العجين على هيئة كور بإستخدام ملعقة صغيرة
- ونضغط عليها ضغطة خفيفة
- تدخل فرن ٣٥٠ فهرنهايت حوالي ٢٥ دقيقة
- نلصق كل حبتين معا بالمربى أو الشيكولاتة
- وتزين بجوز الهند أو الشيكولاتة الملونة أو المكسرات .. وبالهنا
مغتربة http://moghtareba.com/
Leave a Reply