مطبخ مغتربة : لقمة القاضي/ الزلابية / العوامات أو اللقيمات

اللقيمات / العوامات / الزلابية أو لقمة القاضي … إختلفت المسميات والطعم اللذيذ واحد

الحقيقة أنا جربت وصفات كتير للقمة القاضي وجربت كمان الجاهزة لقيتها سيئة جدا يمكن النوع اللي إشتريته وحش

اللي توصلت له إن عجينة لقمة القاضي محتاجة خبرة شويتين في سمك العجينة لأنها بتفرق وكمان طريقة القلي

بالنسبة لسمك العجينة واضح في الصور وإن شاء الله تشوفوه في الفيديو وممكن قبل ما تقلي كل الكمية نعمل إختبار نقلي واحدة فقط

لو كانت معجنة من جوة ومش مستوية تبقى تقيلة زيادة عن اللزوم وفي الحالة دي نخففها بمعلقة مية واحدة واحدة لغاية لما نوصل للسمك المناسب

لو قلينا واحدة ولقيناها فرشت في الطاسة وما عملتش كورة يبقى العجينة خفيفة زيادة عن اللزوم وبالتالي نزودها دقيق وسيمولينا حتى نصل للسمك المناسب

في القلي نسخن الزيت ثم تهدأ النار خالص لغاية لما نملى الطاسة وبعدين نخلي النار متوسطة وتطلع من الزيت على الشربات البارد السميك

أتمنى تجربوها وإن شاء الله تعجبكم .. أسيبكم مع الفيديو

لقمة القاضي / اللقيمات

2015-06-18 06:16:22

Write a review

Save Recipe

Print

Ingredients

1. ١ كوب دقيق
2. ١ م ك نشا
3. ٢ م ك سميد
4. ١ م ك ساور كريم
5. ١ م ك زيت
6. ١ ونصف م ص خميرة جافة
7. ١ م ص سكر
8. ١م ص خل أبيض
9. نصف كوب ماء دافي
10. شربات أو شيرة سميكة مش خفيفة
11. ممكن رشها بالسكر البودرة أو العسل الأبيض بدل الشيرة
12. إختياري : مكسرات مجروشة للتزيين
13. 

Instructions

1. نخلط المكونات الجافة كلها مع بعض
2. نضع عليهم الزيت
3. ثم الخل
4. ثم معلقة الساور كريم أو الكريمة الحامضة
5. ثم نضيف الماء تدريجيا
6. حتى نصل لقوام يشبه عجينة الكيك
7. قد يزيد الماء أو يقل على حسب نوع الدقيق لذلك نضيف الماء تدريجيا
8. نغطيه بالفيلم البلاستيك ونتركه يخمر
9. ونهبطها ونكرر عملية التخمير ٣ مرات
10. 
11. إذا وجدتم العجينة تقيلة خففوها بماء قليل معلقة صغيرة في كل مرة
12. إذا كانت خفيفة نزود القليل من الدقيق مع السيمولينا
13. نجيب كيس بلاستيك ونضع فيه معلقة زيت
14. ونوزعها بالكيس ثم نضع العجين ونقص طرف الكيس
15. 
16. نسخن الزيت في طاسة على النار ولما يسخن نهدي النار
17. علشان تطلع الكور تقريبا حجم واحد نستخدم معلقة في التشكيل
18. والمعلقة نغمسها في كوب به القليل من الزيت قبل وضع العجينة فيها
19. حتى يسهل نزول العجين من المعلقة وهكذا حتى تمتلئ الطاسة باللقيمات
20. ونحاول بعد كل كام واحدة نغطس المعلقة في الزيت
21. بعد ما نملى الطاسة ترفع النار إلى متوسطة وتقلب حتى تأخذ اللون الذهبي
22. تغطس في الشيرة الباردة أو ترش بالسكر والمكسرات
23. 
24. مقرمشة من الخارج وهشة من الداخل
25. وبالهنا والشفا

مغتربة http://moghtareba.com/