بلح الشام من الحلويات الرمضانية الرائعة والتي لا نعترض على أكلها في غير رمضان 
كله حلو
بلح الشام كان بالنسبة لي إختراع أو نقول وصفة ممنوع الإقتراب منها لأنها تحتاج فن وإتقان شوية .. لكن إكتشفت إن الموضوع سهل إن شاء الله وجيبت لكم وصفة مضمونة بإذن الله بس كدة داسما وإنتم بتعملوا أي حاجة تبدأوا بإسم الله
فيه وصفات كتير على الإنترنت بس بصراحة الوصفة دي تتميز إن مفيهاش مواد كتير وسهلة وظبطت معايا من أول مرة
بيقولوا دليل نجاح العجينة إنها تقب لفوق وإنتم بتقلوها والحمد لله حصل معايا وعلشان تتأكدوا إن الخلط تم كويس العجينة بعد ما تتعجن بتعمل شكل المنقار يعني لو حطينا فيها معلقة ورفعناها لفوق تعمل شكل منقار
بلح الشان عايز شربات سميك وبارد لكن طبعا ممكن نرشه بالعسل أو نحشيه قشطة وخلافه
أنا بأحطه في شربات وأقلبه دقيقتين تلاته وبعدين أطلعه من الشربات على مصفاة وأسيبه فيها علشان إحنا بنحبه مقرمش من برة ومش مليان شربات من جوة
الميزة الخطير كمان فيه إننا ممكن نعمله ونشيله بالفريزر ووقت الإحتياج نطلعه ونقليه على طول ما ننتظرش يفك من التجميد
علشان بلح الشام يستوي من برة وجوة لازم النار تكون هادية والزيا يا دوب يسخن مش يحمى بدرجة عالية وإلا هتتحرق وتفضل معجنة من جوة. الوصفة سهلة والمقادير متوفرة بكل بيت تقريبا بس هي محتاجة شغل وصبر شوية في تقليب البيض على دفعات مع العجينة
بلح الشام
2015-06-11 17:49:50
من الحلويات الشرقية الرمضانية المحببة
Ingredients
- ١ كوب دقيق
- ١ كوب ماء
- ١ م كبيرة نشا
- ٤/١ كوب زبدة
- ٤ بيضات
- ذرة ملح
- رشة فانيليا
- ٢/١ م ص بيكنج بودر
- ٢/١ م ص خل أبيض
Instructions
- في حلة على النار نضع الماء ثم الزبدة
- ننخل الدقيق والنشا وذرة الملح معا
- أول ما يبدأ خليط الزبدة والماء بالغليان
- نضيف الدقيق دفعة واحدة مع التقليب السريع
- حتى يختفي الدقيق تماما وتصبح العجينة كالكورة وتوفع من على النار
- نضعها في وعاء خارجي وتترك لتبرد
- نخلط البيض مع الفانيليا و الخل
- نضيف البيض للعجينة السابقة على دفعات
- هنلاحظ إن العجينة في كل مرة نضيف البيض تتفتت ثم تتجمع بالتقليب
- وهكذا إلى أن تصبح عجينة لينا لما نغمس فيها المعلقة ونرفعها لفوق ينزل العجين على شكل منقارا
- ندهن كيس الحلواني بالقليل من الزيت من الداخل ونملأه بالعجين ونحكمه جيدا
- نضع الزيت على نار هادئة وأول ما نشعر إنه بدأ يسخن
- نشكل الأصابع بالطول المرغوب فيه
- ونقلبه حتى يأخذ اللون الذهبي
- ثم يرفع على ورق مطبخ
- يوضع في شربات سميك بارد
- وتقدم بالهنا والشفا
مغتربة http://moghtareba.com/
أتمنى الوصفة تعجبكم وتجربوها بإذن الله ورمضان كريم
[…] إن شاء الله : هأعمل بلح الشام وتارت […]