لو بتحبوا الفاهيتا أو أولادكم بيحبوا دي طريقة سهلة ولذيذة جدا جدا لعمل الفاهيتا
تقدروا تعملوها ساندوتشات أو حتى جنب الرز أو المكرونة
طبعا أنا هنا عملتها بس بالفلفل الأخضر لكن بتبقى بالفلفل الألوان كمان شكلها جميل بس ده اللي كان عندي وقت ما عملتها
الطريقة سهلة جدا جدا تعلمتها من صديقة من البرازيل بس فعلا جميلة والفراخ فيها طعمها جميل جدا ومش ناشفة أعتقد ده لوجود الخل والليمون في الوصفة بشكل كبير
أفراد أسرتي الصغيرة عجبتهم إبني الكبير شال منها البصل والوسطاني شال منها الفلفل والصغير كان عايز يشيل الفراخ هههه بس بعينه أكلتها له طبعا .. آل يشيل الفراخ آل
أتمنى تجربوها وإن شاء الله تعجبكم وما تنسوش تدعوا لي
فاهيتا الدجاج اللذيذة
2015-05-22 12:12:50
وصفة من المطبخ المكسيكي
Ingredients
- ٢ باوند صدور دجاج
- بصلة متوسطة مقطعه حلقات
- ٢ فلفل رومي ألوان أو أخضر مقطعه
- ملح وفلفل
- عصير نصف ليمونة
- ١ معلقة صغيرة صويا صوص
للتتبيل
- ٣ فص ثوم مفروم
- عصير ٢ ليمونة كبيرة - حوالي ربع كوب
- ٣/١ كوب ماء
- ١ معلقة كبيرة خل تفاح
- ٢ معلقة صغيرة صويا صوص
- ٢ معلقة كبيرة زيت - أي نوع
- ٢/١ معلقة صغيرة نكهة الشواء - إذا توفرت
- كمون- ملح - فلفل أسود - شطة حسب الرغبة
Instructions
- نخلط مكونات التتبيلة معا جيدا
- ثم نضيف صدور الدجاج
- نتركها في التتبيلة ٢-٣ ساعات على الأقل
- نشوي الدجاج على الجريل ثم تقطع شرائح
- في طاسة على النار نشوح البصل
- ثم نضيف شرائح الفلفل الرومي - ونقلب لمدة دقيقتين
- ثم نضيف الملح والفلفل وعصرة الليمون والصويا صوص
- ونقلب معاهم شرائح الدجاج المشوية
- ثم تقدم بالهنا والشفا
مغتربة http://moghtareba.com/
[…] :دجاج فاهيتا مع مكرونة بالصوص وبطاطس تكساس […]