أهلا بيكم معانا في وصفة جديدة من مغتربة
لو إبنك أو بنتك مغلبينكم في الأكل وده بيحصل كتير إن الأطفال تتسد نفسهم عن الأكل وبيمروا بمراحل مختلفة .. خليهم يساعدوكم تعملوا الوصفة دي وإن شاء الله تعجبهم
أنا كل لما إبني الصغير يتعبني شوية في الأكل أجرب الوصفة البسيطة دي .. وإن شاء الله بيآكلها .. الوصفة مفيهاش أي حاجة مجرد مكرونة ولحمة مفرومة وجبنة موتزاريللا لكن الشكل هو اللي جديد
تقدروا تخبوا في اللحمة المعصجة أي خضار للصغار ..جزر مبشور مش باين .. ممكن عدس لزيادة البروتين .. ممكن كرفس مقطع صغير او بسلة أو أي نوع خضار يتقطع صغير علشان ما يآخددوش بالهم .. 
غش تجاري يعني
أنا إستعملت هنا صينية اللي الحواف بتاعتها بتتفك مش عارفة إسمها إيه الصراحة لو عنكم ماشي لو مش موجودة مش مشكلة طبعا ممكن تتعمل في أي صينية
أتمنى تعجبكم بسيطة فعلا وممكن تتعمل بأي نوع مكرونة بيحبوه أولادكم .. وده فيديو قصير يوضح طريقة عملها
تورتة المكرونة
2015-05-20 10:20:29
Ingredients
- ١ كيس مكرونة مسلوقة - أي نوع
- ١ باوند لحمة مفرومة - معصجة
- ٢/١ ك عصير طماطم - أو أكثر حسب الرغبة
- ٢ كوب جبن موتزاريللا مبشورة والمزيد للوجه
- ملح وفلفل
- زبدة لدهن الصينية - حوالي معلقتين
Instructions
- نضيف الجبنة المبشورة للمكرونة المسلوقة
- ونقلب جيدا
- ندهن الصينية بالزبدة
- نضع ٣ ملاعق صلصة في الصينية وننوزعهم كويس
- ثم نصف كمية المكرونة
- نضع اللحم المعصج
- ثم باقي الصلصةوباقي المكرونة
- ثم ملح وفلفل والمزيد من الجبنة للوجه
- تدخل فرن مسخن مسبقا حتى يحمر الوجه
- وبالهنا والشفا
مغتربة http://moghtareba.com/
Leave a Reply