طبق من التراث الجيبوتي … بسيط جدا وسهل وطعمه رائع لأنه مليان بهارات وتوابل ريحتها روعة وهتخلي ريحة البيت روعة فعلا
هو طبق بسيط مكون من أرز ولحمة شبه الكبسة شوية لكن التوابل مختلفة وهو ده اللي بيميزها
الطبق ده المفروض يتعمل بلحم الخروف او الغنم يعني لحم الضأن لكن لظروفنا الصحية وظروف بيتنا إستخدمت لحم عادي لحم البقر يعني
جربوها هتعجبكم إن شاء الله .. هنا فيديو قصير يوضح طريقة عمل الطبق
إسكوديح كريس من جيبوتي
2015-05-05 05:03:16
طبق سهل وبهاراته رائعة فعلا يشبه الكبسة لحد كبير لكن الطعم مختلف لإختلاف البهارات
Ingredients
- ١ باوند لحم خروف - أنا هنا إستخدمت بقري
- بصلة متوسطة مقطعة.
- معلقتين زيت - أي نوع
- ٣ حبات طماطم مقطعة
- فص ثوم مفروم
- نصف كوب أرز بسمتي
- ١ كوب ماء + زيادة لتسوية الأرز
- ملح وفلفل
- معلقة صغيرة كمون
- ١ معلقة صغيرة حبهان مطحون
- ٢/١ معلقة صغيرة قرنفل مطحون
- ٢/١ معلقة صغيرة قرفة
- ٤/١ معلقة صغيرة شطة - إختياري
Instructions
- في حلة على النار نسخن الزيت ونضيف البصل
- ثم نضيف البهارات كلها
- لما يدبل البصل نضيف فص الثوم المهروس ثم نضيف قطع اللحم
- ونقلب اللحمة حتى تصبح لونها بني من جميع الجهات
- لما تتحمر اللحمة جيدا نضيف الطماطم ثم الماء
- نغطي الحلة ونهدي النار ونتركها حتى تستوي اللحمة
- وعند تمام السوا نضيف الأرز
- ونضيف ماء لتسوية الأرز
- نضيف الملح والفلفل الأسود ... نغطي ونترك الأرز يستوي
- وبالهنا والشفا
Notes
- نقدمها مع السلطات - قدمتها مع سلطة الزبادي
مغتربة http://moghtareba.com/
[…] أو ممكن تجربوا السكوديح كاريس من جيبوتي .. مليان توابل و… […]