نشاط جديد وخفيف وظريف للأطفال لو أطفالمن بيحبوا يلعبوا بالطباشير على الرصيف أو لو عندكم سبورة ممكن يلعبوا عليها بالطباشير ده
مكونات الطباشير موجودة في كل بيت وغير مكلفة إطلاقا وكمان الطباشير ده آمن للصغار حتى لو أكلوه لأنه عبارة عن بيكنج صودا ومية وألوان طعام فقط لا غير
إعملوا الكمية اللي تحبوها وخزنوها في أي علبة مش هيحصل لها حاجة .. هنحط البيكنج صودا مع المية شوية شوية لغاية لما نحصل على عجينة سهلة في التشكيل زي اما هتشوفوا في الفيديو
بنسيبها تنشف تقريبا ٣ أيام على حسب الجو عندكم وعلى حسب الحجم أنا كنت عاملة دول في صينية المافن أو الكاب كيك وأخدت وقت طويل يمكن ٥ أيام على ما نشفت كويس لأنها كانت سميكة .. المرة اللي جاية لم نعملها هأستخدم قوالب التلج مثلا هتكون أبسط وهتنشف أسرع إن شاء الله
هنـــا هتلاقوا فيديو صغير عن طريقة العمل .. أتمنى يعجبكم وتجربوه
Leave a Reply