الفطير الإسكندراني أو الفطير المحشي أو فطيرة البيتزا كلها مسميات لحاجة واحدة وهي حاجة لذيذة جدا جدا وتغيير عن تقديم البيتزا بالطريقة المعتادة
يموووت عليها الكبار والصغار وهي فعلا لذيذة … مشكلتها الوحيدة هي إنها طبعا تقيلة أو يعني مش للرجيم خالص مليانة زبدة لكن الطعم جميل قوي قوي
مشهورة بمصر بإالفطير الإسكندراني لأنه كان يباع في الأول في محلات الفطاطري اللي في الإسكندرية إنما دلوقتي موجودة بكال مكان تقريبا وكل محلات الفول والطعمية المشهورين بمصر بيبيعوها
إحشوها أي حاجة جبنة رومي … سجق… لحم مفروم .. دجاج .. أو حلو يبالسكر والكسترد أو النوتيللا والمربى يعني متنوعة جدا جدا
أترككم مع الوصفة وشوفوا الفيديو على اليوتيوب هنـــــا … أتمنى يعجبكم
الفطير الإسكندراني أو الفطير المحشي
2014-12-12 11:19:34
الفطير الإسطنرداني هو فطير مشلتت محشي بحشوات مختلفة منها الحادق زي الجبنة الرومي- السجق - التونة ... ومنها الحلو زي المربى- الكسترد أو شيكولاتة النوتيللا
للفطير المشلتت
- ٤ كوب دقيق أبيض
- ٢ كوب ماء - يزيد أو ينقص على حسب نوع الدقيق
- رشة ملح
- ١ كوب زبدة سايحة
للحشو
- سجق- هوت دوج مقطع- جبنة رومي- أنواع مختلفة من الأجبان- تونة- لحم مفروم- دجاج مقطع ومستوي ... أي حاجة ممكن تتحط على البيتزا بتنفع
للحشو الحلو
- كسترد- مربى- شيكولاتة نوتيللا ... وهكذا
للوجه- إختياري
- بيضة مخفوقة مع جبنة وزيتون وفلفل رومي
- وللحلو سكر بودرة
Instructions
- في وعاء العجن نخلط الدقيق مع الملح
- نضيف الماء قليلا قليلا
- إلى أن نحصل على عجينة ملساء متماسكة ولكن تلتصق قليلا باليد
- نقسم العجينة لـ ٦ كور
- نمسح سطح أملس بالزبدة.. نبدأ بفرد أول كرة ونمسح سطحها بالزبدة
- نضع الحشوة في المنتصف ونقفل عليها العجينة ... وبكده نكون خلصنا الجزء اللي في النص
- نآخد كورة تانية ونفردها ونمسح سطحها بالزبدة
- ونضع الجزء اللي فيه الحشو بالمنتصف ونقفل عليها
- وهكذا كرة أخرى فتبقى عندنا الفطيرة مكونة من ٣ كور والحشوة موجودة بالكرة الداخلية
- نضعها بصينية الفرن وندهنها من فوق بالبيضة وعليها الجبنة والزيتون
- تدخل فرن حار على درجة .. من ١٠-١٥ دقيقة
- أو على حسب حرارة الفرن حتى تحمر
- وبالهنا والشفا
مغتربة http://moghtareba.com/
جميييل اووووى هجربها بالف هنا حبيبتى
ربنا يتقل ميزانك
محتاجة عيش التورتيلا والفاهيتا لان بنتى بتحبهم اوووووى بالذات العيش ياريت فضلا تنزلى كيكة البرتقال وكيكة الفاكهه طمع بقى
ربما يرزقكك الخير من حيييث لا تحتسبى
بألف هنا .. من عيني معلش بيآخد وقت شوية علشان بأحب أعمل الحاجات بالفيديو للناس إن شاء الله هأنزل كل اللي تحبيه .. وشكرا على الدعوة الحلوة جزاكم الله خيرا ولكم مثل ما قلتم إن شاء الله
يمممي لذيذة اشتهيتها تصدقي كان نفسي من زمان اسوي الفطير المشلتت
لماسالت وحدة مصرية عن الفطير المشلتت تقول
مايزبط الا بالسمن البلدي
كيف طعم الفطير المشلتت بالزبدة لذيذ؟
تشجعيني اتحمس اسويه
ويعطيك العافية بجد مدونة رائعة متابعة لك
فوفا أنا بأعمله بالزبدة من ساعة ما جيت ماما لأمريكا هههه السمنة هنا غالية ومش دايما بتتوفر عندي إني أسيح زبدة وأعمل بيها سمن .. بيطلع جميل على العموم ممكن تعملي سمن طبعا وتجربي بس كل اللي أعرفهم هنا بيعملوه بالزبدة أسهل