أنا كنت متخوفة جدا من الوصفة دي فعلا … وما كنتش متخيلة طعمها هيكون إيه .. رز وعدس على كفتة في شوربة يعني حسيت إنها عك بصراحة بس قولت أجرب وخلاص على رأي المثل هنا
You’ll never know until you try 
والحمد لله إني جربتها … فعلا جميلة جدا جدا .. كأنكم بتآكلوا محشي بس في شوربة .. لو بتحبوا رز المحشي هتحبوا الشوربة دي جدا جدا
لو مش عايزين تضيفوا عدس ما تضيفوش وممكن تضيفوا بدله حمص ناشف اللي هو بتاع الكشري مش حمص التسالي
… بصراحة الشوربة دي تقدروا تظبطوها على حسب ذوقكم
قلقانين من النعناع أو الزبادي بلاش برضه يعني هي فعلا متنوعة .. أنا مش بأعتبرها شوربة الصراحة هي وجبة متكاملة ومش محتاجين أى أطباق تانية معاها
أتمنى تجربوها وإن شاء الله تعجبكم
وده فيديو قصير على اليوتيوب لطريقة عمل الشوربة

من المطبخ الإيراني: آشاه ماست
2014-12-04 11:31:37

Ingredients
- ٢ بصلة متوسطة
- ٢ فص ثوم
- ١ باوند لحم مفروم
- ٢/١ كوب عدس أو حمص ناشف
- ٢/١ كوب أرز بسمتي
- ٤ كوب بقدونس مغسول ومقطع
- ٢ كوب كزبرة خضرا مقطعة
- ٢/١ كوب نعناع ناشف للتزيين
- ٤/١ معلقة صغيرة كركم
- ملح وفلفل
- ٤ كوب ماء + ٤ كوب شوربة
- زبادي
- زيت زيتون
Instructions
- في حلة على النار نشوح بصلة مع فصين الثوم في زيت زيتون
- حتى تصبح ذهبية اللون قليلا
- نضيف الكركم ونقلب جيدا نضيف ملح
- والآن نضيف العدس الناشف أو الحمص
- ثم نضيف الأرز ثم ٤ أكواب ماء
- عند الغليان نهدي النار وتغطى
- ونتركها ساعة على نار هادئة
- في هذه الأثناء نحضر الكفتة
- نضيف البصل المفروم إلي اللحمة مع الفلفل والملح وتكور
- بعد الساعة
- نضيف الكفتة إلى الأرز والعدس
- نضيف البقدونس والكزبرة مع الشوربة
- ونتركها تكمل السوا على نار هادئة .. تقريبا ساعتين
- في قليل من الزبدة نقلي النعناع الناشف
- يمكن إضافة النعناع الأخضر
- لكن نضيفه مع البقدونس والكزبرة
- يغرف في أطباق وفوقه معلقة زبادي وفوقها النعناع
مغتربة http://moghtareba.com/
Leave a Reply