خلص رمضان وأيامه الجميلة ويا رب تتعاد علينا كلنا بالخير يا رب … عايزين بقى أكلة جديدة بعيد عن المحمر والمشمر والذي منه
اليوم هآخدكم ونطير على كوريا وتحديدا كوريا الجنوبية التي أحبها جدا … ليه … مش عارفة ..لا فعلا بلد جميل وشعب له تقاليد وعادات
لو بتحبوا التجديد الأكلة جميلة التغيير فيها في الطعم مش فظيع لدرجة يعمل لنا صدمة والحمد لله لكن تغيير لطيف في طريقة التقديم
الأكلة دي إسمها البيبيمباب أو البيبيم باب … ومش عايزين ضحك لو سمحتوا.. الأكله متنوعة وظريفة هي عبار عن أرز كوري وفوقه ما لذ وطاب من الخضروات اللي موجود عندكم حطوه ما يهمكوش أبدا
المهم الخضروات تكون مقطعة جوليان – طولية يعني- وممكن نضيف لها حلقات خيار مثلا .. الخضار بنشوحه على النار بسرعة لأننا عايزينه كريسبي مش مطهي ١٠٠٪ وممكن نضيف خضروات طازجة زي الخيار والخس
و كمان ممكن سبانخbean sprouts ممكن نضيف كمان المشروم ونشوحه بزيت السمسم أو براعم الفول اللي هي
في الحالة دي بنسقطهم بس في ماء مغلي دقائق معدودة وبعدين نضع عليهم ماء بارد
الوصفة دي طريقتها سهلة جدا جدا كل الوقت اللي هنحتاجه في تقطيع الخضروات بالشكل ده
أنا إستخدمت شرائح الكوسة والفلفل الملون والجزر والبصل وأيضا عملت لها بيضة قرصة وقطعتها شرائح وممكن كمان وهي على النار وإنتم بترتبوا الخضار نكسر بيضه في المنتصف عيون ونتركها تستوي بحرارة الخضروات .. ممكن نضيف للطبق ده لحم دجاج أو مفروم أو لحم بقري أو ما نضيفش خالص ونسيبها نباتية كل واحد وذوقه … أتمنى تجربوها وتعجبكم يا رب… تحياتي
غادة says
يعطي العافية طبق شكله لذيذ واحب اشكرك على زر الطباعة كتير مفيد
Amira says
شكرا غادة .. أنا حطيت الطباعة لأني عرفت إن فيه ناس بتطبع الوصفات أتمنى تجربي الوصفة وإن شاء الله تعجبك