مرحب شهر الصوم :: خطة عملية لإستقبال الشهر الكريم – ٨

النهاردة اليوم الثامن وعليكم خير … اليوم السابع أخد مني وقت طويل وإن شاء الله أحط لكم المتابعة بتاعته قريبا

يومنا النهاردة يوم مطبخي جدا هنعمل حاجتين إذا بتحبوهم طبعا

أولا :: هنعمل فراخ بانية

صدور الفراخ اللي بنخليها أو لو بتشتروا فراخ صدور تقطعوها شرائح وتتبلوها تتبيلة البانية  وتشيلوها في أكياس ويوم التقديم تطلع من الفريزر تشيح ونحط عليها البيض والبقسماط ونقليها أو ممكن نعملها بالبيض والبقسماط ونفرها شرائح بالفريزر وبينها ورق زبدة أو أكياس علشان ما تلزقش فر يعضها وتترك بالفريزر لوقت الإستخدام تقلى فورا

ثانيا :: لو بتحبوا البسبوسة

نعمل خلطة البسبوسة في أكياس بدون السوائل يعني بدون الزبدة أو السمنة وبدون اللبن أو الزبادي اللي بتستخدموه … يعني طريقتكم المفضلة في البسبوسة نخلط المكونات معا بدون السوائل وعند الإستخدام نطلع الكيس ونحط عليه السوائل وفي الفرن …. لو ما عندكمش وصفة مفضلة جربوا دي يمكن تعجبكم

لأشوفكم بالمتابعة إن شاء الله