اليوم السادس كان خاص بتفريز كمية لا بأس بها من الكفتة إذا كنتم من محبي الكفنة
الكفتة لها وصفات متعددة إعملوا الوصفة اللي بتحبوها ومتعودين عليها
بالنسبة لينا هي دي وصفتي المفضلة ودي اللي في الأغلب بأعملها كل أسبوع
:: المقاديـــــــر
١ باوند لحم مفروم
١ باوند لحم تركي مفروم
١ بيضة
١ بصلة مفرومة ناعم جدا جدا
٢ فص ثوم مفرومين
نصف كوب بقسماط أو بأستخدم بدل منه شوفان
ملح وفلفل حسب الرغبة
بس خلاص تخلط المكونات معا وتصبع أو تتعمل كور ونضعها في صيني مفرودة وتدخل الفريزي حتى تتجمد وتوضع في الكيس وبالفريزر لحين الإستخدام
عند الإستخدام بأطلعها من الفريزر على الفرن على طول مش بأسيبها تفك لأنها صغيرة وحجمها مش كبير
أشوفكم المرة الجاية بإذن الله
Shery says
قوليلي انتي ليه بتحطي لحمه علي لحم تركي بيفرق في
حاجه ؟
Amira says
أهلا شيري .. أولا بيفرق في السعر سعر باوند اللحمة الحمرا أكتر من سعر باوند التركي المفروم … ثانيا بيفرق في الصحة لحم التركي مفيهوش دهون والسعرات الحرارية بتاعته أقل بكتير من اللحم الأحمر المفروم فباضرب عصفورين بحجر … ده طبعا مهم للناس اللي عندها كوليسترول او بتحاول تقلل من الدهون والسعرات الحرارية .. لما بأعملها كلها لحم تركي بأحس إنها زفرة شوية والملحوظة دي قالها لي كذا حد أعرفة لحم التركي لوحده بيكون زفر … حاجة غريبة مع إنه خفيف جدا
Shery says
اهلًا حبيبتي اول مره اعرف المعلومات دي شاطره كالعاده ر
ربنا يحميكي طيب قوليلي بتفرق في الطعم وله طعم كفته
بتاعنا ؟
Amira says
أنا وجدت إن نص ونص بتكون كويسة مش بتحسي بطعم مختلف ممكن تجربي الأول مثلا تلتين لحمة وتلت فقط رومي وزودي لو حسيتي إنك مش متقبلاها بالحم الرومي يبقى خليكي في تلت وتلتين فقط وبرضه هتبقى أخف على البطن والجيب ههههه