أفكار تنظيمية:: تنظيم تحت حوض المطبخ

المكان تحت حوض المطبخ دايما بيكون مكركب وفيه حاجات كتير وغير قابل للتنظيم على الأقل عندنا في بيتنا

فقررت إني أخوض التجربة وأحاول أنظمه بأبسط الطرق والنتيجة أهه الحمد لله تم التنظيم

تعالوا أوريكم عملت إيه

ده الشكل من قريب

الفويل والبلاستيك والأكياس

وهنا كراكيبي بقى الصابون والبخاخات الفاضية اللي بأستخدمها للتجارب بتاعتي وخلافه

أول حاجة أخدت علب الأكياس وعلقتها جوه دولاب المطبخ في الحيطة كده جنب بعضهم

إستخدمت دبابيس الحائط للتعليق

هنا شكلها بعد التنظيم تعالوا نشوف عن قرب

بالنسبة لرولات الفويل والفيلم والأكياس البني بتاعة اللانش إشتريت فولدر من بتوع المجلات وحطيتهم فيه وممكن تعملوه بنفسكم من علب السيريال

والسبت ده كنت جيبته من الكليرانس بتاع الإيستر وبأحط فيه صابون غسيل غسالة الأطباق

وهنا كنت إشتريت الجردل ده من الكليرانس برضه بتاع عيد الإيستر من تارجت حطيت فيه بعض الأدوات

وخلفه حطيت الكارتونة دي كنت إشتريت حاجات من كوسكو وحطوها لي وجات بفايدة لميت فيها إختراعاتي كلها مع المبيدات الحشرية

ودي الحاجات اللي كانت في الجردل

وبكده تم التنظيم والحمد لله بأقل مجهود وتكاليف ممكنة … أتمنى تكون أفطاري اليوم عجبتكم