خطوة اليوم خطوة مطبخية بحتة تعتمد أساسا إذا كنتم من محبي الكفنة بأشكالها وأنواعها المختلفة المقلية والمشوية بالبرغل ومن غير يعني اللي تحبوه .. خطوة اليوم هي عمل ستوك من الكفتة الشهية المحبوبة للكل
الكفتة من الوصفات المحببة جدا جدا في بيتنا بالذات من الصغار اللي بيقرفوني على ما يرضوا علي ويآكلوا حاجة يللا معلش ندلعهم لغاية لما يكبروا ويتجوزوا وبعد كده هيآخدوا على دماغهم
إن شاء الله نشتري لحمة مفرومة مثلا ٤ أو٥ أو٧ باوند اللي يعجبكم ونعمل أنواع الكفتة اللي بيحبوها الأولاد أو اللي بتحبوها في بيتكم وعلى الفريزر على طول
نصيحة إقتصادية وصحية جدا جدا:: للتقليل من التكلفة والتقليل من السعرات الحرارية والدهون بنفس الوقت إشتروا نص لحمة مفرومة ونص تركي مفروم.. لحم الرومي المفروم أرخص من اللحم الأحمر البيف يعني البقري وأقل بكثير جدا جدا جدا في الدهون والسعرات الحرارية ومحدش هيحس بالفرق … صدقوني دي مجربة ومحدش أخد باله … الغش التجاري هههههه
إنتظروني في التغطية الحية لليوم السادس بإذن الله
Leave a Reply