بعد إنقضاء اليوم الأول على خير والحمد لله بمهماته نأتي لليوم التاني وأتمنى تكونوا لسه متابعين معايا إن شاء الله
اليوم هتكون مهمتنا بيتوتية وهي بداية تهيئة البيت لشرف إستقبال هذا الضيف العزيز والغالي
اليوم مهمتنا هي تنضيف النجف والمراوح مع غسيل الستائر إذا تواجدت
وإحنا في مصر وصغيرين من الطقوس الرمضانية هي تنشيف البيت قبل رمضان وأيضا من طقوس العيدين هو تنضيف العيد … زي لبس العيد والعيدية وهكذا … وبالتالي فيه حاجات مرتبطة بأذهاننا منذ الطفولة .. أنا برضه عايزة أولادي يعرفوا إن رمضان ليه بهجة وطقوس وفرحة إستقبال ويرتبطوا بيه زي ما غيرهم هنا مرتبط بالكريسماس كده وبأعيادهم علشان كده هأشاركهم في التنضيف معايا أهه منها مساعدة ومنها نحسسهم بالعادات و خصوصا إن هنا شهر رمضان عادي زيه زي أي شهر تاني مالهوش ملامح خاصة طبعا … طيب ليه إحنا ما نعملش الملامح الخاصة دي عندنا في بيوتنا
Leave a Reply