اليوم إستيقظنا على عاصفة ثلجية من عواصف الشتا اللي مش عايز يروح ويسيبنا … شيئ غريب في مايو والجو يكون كده بالشكل الفظيع ده
دي أكتر حاجة بأتضايق منها هنا في أمريكا … التلج .. مش مهم عندي الجو الساقع لكن التلج!!! يا حفيظ بأخاف منه جدا جدا وبيخليني قابعة في البيت بلا حراك لا عايزة أخرج ولا أدخل ولا أشتري أي طلبات ولا أي عروض ممكن تخليني أخرج في الجو ده
لو تلاحظوا كراسي البلكونة عندي بالتيكيت بتاعها لسه جايباهم من تارجت لما الجو بقى كويس وإتعدل وقلنا هنقعد في البلكونة بقى والشمس هتطلع والجو رايق مع كباية شاي أو قهوة العصرية واللا شاي الساعة خمسة ده اللي بيقولوا عليه هههههه يا عيني علينا ما لحقناش نتهنى …أنا اللي منرفزني إني صدقت ودخلت الهدوم الشتوي خلااااااص …… لكن الصيف جاي أكيد إن شاء الله …. طولة العمر تبلغ الامل … وصباحكم أمل
Hedo says
تعالى عندى في تكساس الجو مش كده خالص بتكون شوية مطرة فمايو وخلاص
Amira says
بتقولي فيها أنا نفسي أروح تكساس خصوصا إن زوجي بيشكر فيها جدا جدا .. كان راح زيارة ليها ٣ شهور في الصيف أيام الكلية من سنة ٩٥ وعليكي خير ههههه
Hedo says
فعلل انصحك بتكساس فرص العمل الحمدلله متوفرة وكمان اقرب الولايات في الجو لمصر وعلشان اشوفك كمان
Amira says
الله يكرم أصلك … لما نشوف يمكن ربنا يرزقه بعمل هناك