نشاط للأطفال :: ثعبــان الفقاقيع الملــون .. :) هسسسسسس

هسسسسسسس … ده صوت ثعبان الفقاقيع بتاعنا … النشاط ده ظريف جدا وينفع لما يكون الجو حر … إحنا عملناه في يوم كان معقول بس للأسف كان فيه هوا شديد لكن إستمتعنا بيه برضه

:: هنحتاج

زجاجات بلاستيكية صغيرة على قد الأطفال – يعني عصير أو مية أي حاجة فارغة ونضيفة طبعا

شرابات – من الشرابات اليتيمة اللي بتضيع الفرد بتاعتها في الغسالة – لغز لازال يحير الكثيييير

أستيك أو رابر باند يعني

صابون غسيل المواعين مخلوط بقليل من الماء

ألوان طعام

بسكين أو مقص حاد نقطع الجزء السفلي من الزجاجة

نلبسه فردة الشراب اليتيمة ونحكمها بالرابر باند كويس

نحضر محلول الصابون

كل واحد يحط نقط أو خطوط من الألوان المحببة ليه على الشراب بتاعه

نغطسها في المحلول اللى عندنا

وننفخ بشويش وخللوا بالكم الأولاد الصغيرين خلونا نعلمهم انهم ينفخوا مش يشفطوا … ممكن نتمرن الأول شوية قبل ما نستعمل محلول الصابون وبس … خلوهم بقى يتمتعوا ويلبخوا الدنيا بالصابون بس ينضفوا بعدها