منيـو الغذاء الأسبوعـي من ٣-٩ مارس ٢٠١٤ إن شاء الله
الإثنين: فراخ في الفرن + بطاطس بالزعتر والثوم + ملوخية وشوربة فراخ
الثلاثاء : أسباراجوس + بسلة بالصلصة + أرز أبيض وكفتة
الأربعاء : أومو رايس 
أكلة يابانية من صديقتي نامي
الخميس : مكرونة + فراخ بانية
الجمعـة : بواقي
السبت : كشري مصري
الأحد : بواقى الأيام السابقة
تسلمى منيو جميييل افكاره حلوه أسباراجوس
عباره عن ايه وومكن طريقة الكفنة لانها بتكونمعايا مكتومة
ام تعمل الاكله اليابانى اقوليلى الخبار من نجاح لنجاح حبيبتى
تسلمي من كل شر يا رب
الأسباراجوس هو نوع من الخضروات كده شبه الفاصوليا بس شكله مختلف شوية من فوق بأحبه أنا وزوجي وبأعمله متشوح بزيت أو زبدة أو أرش عليه زيت زيتون وفلفل أسود وأحطه فى الفرن شوية إن شاء الله أصوره .. أنا بأحب أشتريه لما يكون عليه سيل
الكفتة .. مش فاهمة يعني إيه مكتومة؟
طمنينى الامور كويسه الحمد لله لقاتى دكتور اقصد ناشفه مبروله مس طريه
انا عملت كيكة التمر والمارشميللو جمييييييل اووووى تسلمى الف هنا حبيبتى الفينو هنا ماساة بجد هجرب طريقتك واقولك طلع ايه
بألف هنا وشفا عليكم .. جربي الفينو إن شاء الله يعجبك
علشان تطري الكفتة افرمي واحدة بطاطس صغيرة ناعم جدا وضيفيها للخليط هاتطلع طرية.
أول مرة أسمع بالوصفة السحرية دي
تعرف أنا بأحط فيها قطعة فينو صغيرة مبلولة .. يعني نبلها بالمية ونعصرها كويس وبأحطها مع اللحمة وكمان سمعت ناس بيحطوا معلقة دقيق