الأوزي الشامي هو أكلة شامية جميلة جدا جدا تقدم فى الولائم والحفلات والأعراس والمناسبات مثل رمضان وغيره … بتتعمل باللحم لكن وصفتنا اليوم هتكون بالفراخ
الأوزي هو ببساطة أرز مع خضروات ولحم بداخل عجينة رقيقة وجميلة .. الوصفة أخذتها من صديقة لي وبأعملها بعجينة الباف باستري … أتمنى تجربوها سهلة جدا جدا وجميلة حتى إبني الصغير اللي بقى متعب فى أكله أكل منها وعجبته
:: المقاديــر
٣ كوب أرز بسمتي مطبوخ ومتماسك يعني مش معجن- يستحسن تقليل كمية المية المقترحة قليلا
٣ معالق كبيرة زيت
١ باوند صدور فراخ فيلية
فلفل ألوان أصفر-أحمر-وأخضر
بصلة متوسطة مبشورة
جزر مقطع صغير وممكن كمان نستخدم بسلة
باكيت باف باستري
ملح وفلفل وبهارات
مكسرات محمرة -إختياري
:: الطــريقـــة
في طاسة على النار نضع الزيت ونقلب فيه قطع الدجاج حتى ينشف ماؤه
نضيف البصل مع التقليب ثم الجزر ونوطي النار حتى تستوي قطع الدجاج
نضع الفلفل الملون والبهارات والملح والفلفل ونتركها ٥ دقائق
نضيف الأرز الناضج لخليط الفراخ ونقلب جيدا وممكن نضيف المكسرات فى هذه الخطوة
نفرد مربعات الباف باستري قليلا ثم نجيب طبق غويط ونضع فيه العجينة حتى تغطي الطبق من كل جانب كما بالصورة
نغرف خليط الأرز داخل الباف ونقفل الأطراف جيدا ثم نقلبها ونضعها فى طبق بايركس للفرن
يمسح الوجه بمخفوق البيض( بيضة مضروبة مع معلقتين ماء أو لبن) وفلفل أسود
تدخل فرن ٣٥٠ فهرنهايت حتى تتحمر وتنضج عجينة الباف
شكلها يجنن بالهنا والشفا عليكم :).
ليا سؤال بتجيبي عجينه ألباف باتسري. منين ممكن الواحد يعمل بيها اصلي ام علي انا مشوفتهاش هنا قولي ماركتها.
وتسلم أيدك بجد علي مجهودك
شيري … العجينة بأجيبها من المحل العربي .. لكن موجودة في ولمارت إسمها
pepperidge farm
http://www.walmart.com/search/search-ng.do?search_query=Puff%20Pastry&adid=22222222220213323703&wmlspartner=wmtlabs&wl0=b&wl1=g&wl2=c&wl3=40924502667&wl4=&veh=sem
ميرسي أوي علي تعبك
جميييييييييييييييييييله تسلمى فيييييييييييييييييييييين المنيييييييييييو
معلش يا أروى .. أنا نسيت خالص أحط المنيو بتاعت الأسبوع ده … الظروف خليتني أنسى شويتين أصلي بأشوف لهم دكتور هنا . وربنا يشفيه يا رب .. ما تنسيناش فى الدعاء
حبيبتى اميييره ربنا يشفيه باذن الله ظنى فى الله ان ربنا هيشفيه حبيبتى ربنا معاك الدكاتره عندكم كويسين اصل عندى نظافه اه لكن تشخيص ماتعرفيش مالهم
يا رب .. يسمع منك ربنا يا أروى .. الدكاترة هنا فعلا عندهم آخر التقنيات وأحدث الأجهزة لكن معندهمش مهارة الدكاترة فى مصر .. من كتر الأمراض اللى عندنا في مصر تلاقى الدكتور يبص لك بس يعرف عندك إيه ههههه … هم يضحك وهم يبكي والله … الحمد لله