طبق اليوم هو طبق لذيذ جدا جدا .. ووصفة راااائعة لأى حد بيعمل رجيم وهيموووت ويآكل محشى .ز لأنه نفس الطعم لكن من غير الرز وده طبعا بيقلل كتير فى السعرات الحرارية أو أى حد بيحاول يقلل النشويات .. فعلا جميلة أنصحكم بيها
.. تعالوا نشوف نعمل إيه
:محتاجين
١-٢ باوند كوسة مقشرة ومقطعة
حوالى ربع كوب شبت أخضر مقطع
١ بصلة مقطعة أو مفرومة
٢/١ باوند لحم مفروم معصج
طماطم مقطعة + حوالى معلقتين كبار معجون طماطم أو علبة صوص طماطم
زيت زيتون
فص ثوم مفروم
ملح وفلفل حسب الرغبة
: الطريقـــة
فى زيت الزيتون نقلب البصل مع التوم قليلا
نضيف الكوسة والملح والفلفل مع التقليب لمدة ٥-١٠ دقائق
نضيف اللحم المعصج والطماطم ونتركها على النار حتى تغلي
نصب الخليط فى صيني الفرن ونغطيها بالفويل وتوضع فى فرن على درجة ٣٥٠ فهرنهايت لمدة ٣٠ دقيقة حتى قرب السوا
فقط النكهة .. وبالهنا والشفا
جميلة يا ام الحسن كعادتك ولف ورق العنب طريقته سهله خاااااالص بس ياريت لو ظروفى تسمح تنزلت ألمنيوم الأسبوعي ساعدنى كتير لأدنى ع طول متلخبطه مش عارفه اعمل اي عويل رأيت تقوليلى إيه اللى يبكون محتفظه بيه فى ثلاجتك على طول بحيث مش كل يوم اشعر ان فى حاجات ناقصة علشان اعمل الأكل واضطر انزل ل يوم لان بجد متلخبطه ربنا يكرمك ويب أركل لك يارب بصراحة انت تحس كده أنك. اختى وقريبه من القلب وطب سعيخ
حاضر يا أم يوسف من عيني معلش الأسبوعين اللى فاتوا كان عندى لخبطة حبتين .. بالنسبة للحاجات اللى لازم تبقى موجودة .. ده بيعتمد على أفراد أسرتك وإحتياجاتهم مثلا عندى لازم يكون فيه لبن – بيض- زبادى والخضار لازم يكون فيه خضروات السلطة لأن أولادى قليلا ما يآكلوا الخضار المطبوخ وبأعوض لهم بالخيار والطناطم والخس والفلفل الملون … كمان هم بيحبوا التفاح جدا جدا أكتر فاكهة بيآكلوها وعلى هذا لازم التفاح يكون فى البيت .ز طبعا الأجبان شئ أساسي وللأسف بيحبوا اللانشون وبأحاول ألاقى بديل من غير مواد حافظة أو أعمله بالبيت لكن إلى الآن باءت محاولاتى بالفشل الذريع
بس لا يأس مع الحياة بإذن الله هألاقى .. المهم كل الحاجات دى بأحاول أشتريها فى الويك إند تكفى الأسبوع لكن طبعا مع دخول الشتا والثلوج بنحاول دايما نبص على اخبار الطقس لو فيه تلج بالويك إند بأشترى الحاجات قبل الويك إند