Archives for September 2013
أمريكا :: كرافت ريسيبي ميكر @ ٧٩ سنت فقط من تارجت
يباع @ ٢.٧٩ دولار بتارجت Kraft Recipe Makers *
عليه كوبون ١$/١ من كوبونات تارجت هنـــــا
وأيضا كوبون ١$/١ من هنـــــا
يبقى = ٧٩ سنت فقط بعد الكوبونات
فى بيتنا فأر:: كيفية التعامل مع الفئران لحين وصول النجدة :) تجربة لايف
فى أواخر الأسبوع الماضى كنت فى البلكونة فى حالى وإذا بشئ صغير جدا يجرى أمامى حتى إنى لم ألمحه فقط لمحت ذيل طوييييل … وطبعا لما شفت الديل عرفت ده إيه وإنتضفت من مكانى أصرخ وأوقل لزوجى فار فار وطبعا كان الأخ أخد ديله فى سنانه وقال يا فكيك زى ما بنقول فى مصر
المهم حاولت أشيل الموضوع من دماغى وأعتبره عيل وغلط واللا كان تايه من أهله وجه عندنا ..وتانى يوم إتكرر نفس المشهد .. قلت لااااااا ده بجد بقى وواخدها فسحة رايح جاى فى البلكونة ومش مراعى أى حد وآخر قلة أدب
كلمت الإدارة عندنا قالوا لى هيكلموا شرطة مكافحة الفئران وهييجوا يشوفوا إيه حكاية الفار البجح ده اللى ما عندهوش دم .. ولما سألتهم إمتى فوجئت إن الرد كان بعدها بحوالى ٤ أيام لأنهم بييجوا فى يوم محدد فى الأسبوع مش كل يوم
وبعدين وأنا هأقعد كده ٤ أيام .. وخفت جدا يلف ويدخل من الجراج وساعتها تبقى فعلا مصيبة كبيرة لو دخل وعشش جوة والجراج بتاعنا مليان ما لذ وطاب .. من كراتين وهدوم و و و
لازم نحاول نطفشه بأى شكل ما يدخلش البلكونة أو الجراج .. أول تفكير جالنا إننا نرش ديتول اللى هو الباين سول .. طبعا ولا الهوا .. ما عملش حاجة … رشينا بعدها مبيد حشرى حوالين البلكونة برضه مفيش فايدة .. يجرى ويطلع لنا لسانه ويعدى عادى من البلكونة
قلت ما بدهاش بقى وقعدت أدور على طرق تطفيش الفئران ولقيت طرق وحاجات كتير لكن جربت واحدة منهم وتقريبا كده فلحت معايا وما دخلش خالص عندنا لكن الحقيقة كنت بأشوفه برة بعيد … مش مهم لغاية لما ييجوا الناس ويحطوا له المصايد
أنا كنت عايزة طريقة سهلة وآمنة وغير مكلفة وكمان مفيهاش سم علشان الأطفال .. ووجدت إنى ممكن أستخدم الأمونيـــا
يعنى مكونة من نيتروجين وهيدروجين NH3 تركيب الأمونيا الكيمياءي هو
ولها رائحة نفاذة وكريهة فعلا وبالنسبة للفئران رائحتها تشبة رائحة فضلات الحيوانات اللى ممكن تفترس الفئران وبالتالى فهى بتخاف من الرائحة وتهرب منها
الوصفة كانت إننا نضع سائل الأمونيا فى غطاء الزجاجات مثلا ونتركها فى المكان اللى بتخل منه الفئران .. لكن إحنا رشينا حول البلكونة السائل ده وفضلت كل يوم أرش منه لغاية لما جم الناس بتع مكافحة الحشرات دول
والحمد لله ما قدرش يدخل تانى البلكونة زى ما قلت لكم بس كنت بأشوفه بيجري بره بعيد فى الجنينة وده كان كويس بالنسبة لى فى المرحلة الحالية
طرق أخرى قرأت عنها ولكن لم أجربها شخصيا
زيت النعناع*
الفئران بتكره رائحة النعناع علشان كده فيه ناس بتقول حطوا قطرات من زيت النعناع على قطنة وضعوها فى المكان اللى بتدخل منه الفئران أو الأحسن تزرعوا نعناع فى الاماكن اللى ممكن يدخل منها النعناع وأهه تطفشوا الفئران وبنفس الوقت تشربوا شاى بالنعناع
إستلفوا قطة الجيران مش هزار *
القطط فيها غريزة إصطياد الفئران حتى ولو مش هتآكلها بس خللوا بالكم مش كل القطط بيحبوا يصطادوا الفئران … ولو عندكم قطة لكنها مش بتحب تصطاد الفئران حطوا البوكس بتاع فضلات القطة فى المكان اللى بيظهر فيه الفأر هيشم رائحة الفضلات ويهرب على طول
Bounce fabric softener sheets إستخدموا *
غريبة مش كده!!! المفروض إن ريحتها حلوة وناعمة وتنفع قوى عش للفئران لكن ناس كتير قالت إن باونص شيتس بتاعة الملابس رائحتها غير مستساغة بالنسبة للفئران وبيجروا منها
زيت القرنفل *
أيضا يقال إن زيت القرنفل بيطفشهم وبالتالى نبلل قطعة قطن بقطرات من الزيت ونضعها فى المكان اللى فيه الفئران بتدخل
وأولا وأخيرا طبعا النضافة النضافة النضافة *
الفئران بتييجي لأنها بتدور على الأكل وبالتالى فتافيت وبواقى الأكل بيئة بتقول أهلا وسهلا للفئران .. تعالوا إتفضلوا معانا .. وأيضا إحرضوا على إنكم تسدوا الشقوق والفتحان اللى ممكن يدخل منها الفأر … باسكيت الزبالة يكون محكم الغلق وبعيد قدر المستطاع عن المنزل ويا ريت لو تحطوا بجواره القطن المبلول بالزيوت العطرية اللى قلنا عليها زيادة فى تطفيشهم
وأخيرا أتمنى لكم جميعا حياة خالية من القوارض بكل أنواعها .. ربنا يبعد عننا وعنكم الشر
بري سكول بالمنزل :: الأسبوع الأول
كنت إتكلمت معاكم الأسبوع اللى فات عن نيتي فى أن أبدأ مع طفلى فى منهج بري سكول من المنزل .. وقبل البدء بالحروف والذى منه وجدت إنى يجب أن أبدا أولا فى تعليمه كيفية مسك القلم وأيضا كيف يكتب خطوط سليمة وبإتجاه واحد
وعلى هذا توكلنا على الله وهذا ما سنفعله فى الأسبوع الأول
تعليم الخطوط العرضية *
البدء بتعليم الألوان الأساسية *
البدء بتعليمه مهارات القص وإستخدام المقص *
طبعا الموضوع قد يأخذ أكثر من أسبوع على حسب إستجابة الطفل
وبدأنا إستخدام القلم وتتبع الخطوط على الورق .. وإستخدمت وقة للطباعة هنـــــا
وهنحاول كل يوم نطبع الورقة ونعملها لغاية لما نبقى كويسين فيها ثم ننقل على اللى بعدهــا
وهنـــا باين طبعا بداية إستخدام القلم وإن الخطوط غير مستقيمة لكن مع التمرين هتيجي إن شاء الله
وهنــا حاولنا نلون الصورة ولسه بنتعلم نلون بداخل الصورة مش خارجها
وده الفاينال برودكت زهق بقى بعدها ومارضيش يكمل التلوين لكن كويس قوى على أول يوم
الألوان
كنت حكيت لكم من قبل على بعض الأنشطة اللى ممكن نعملها للصغار بإستخدام البيض الملون البلاستيك اللى بيتباع وقت الإيستر … والحقيقة كنت شوفت قبل كده نشاط لكن مش فاكرة فين للأسف .. إننا نجيب البيض الملون ونضع بكل بيضة مجموعة من الأشياء اللى لها نفس اللون ويحاول الطفل تمييز الأشياء التى لها نفس اللون وتجميعها فى البيضة الواحدة ونقفل عليها
ممكن نستخدم أى شئ مثلا ستيكرز لها نفس اللون … دبابيس الورق المشبك دى طبعا اللى مش بتعورهم …الأساتك الملونة وهكذا فى البداية أنا بدأت بحوالى قطعتين لكل لون علشان ما يتلخبطش وشوية شوية نزود الحاجات اللى هنحطها بكل بيضة … إن شاء الله
الحقيقة قفل البيض مكانش سهل عليه لكن بالتدريج إتعود واللعبة دى حازت على إعجابه جدا جدا
ولما بنخلص البيض بنحطه فى مكانه فى كرتونة بيض قديمة عندنا ونضيفة طبعا
فى البداية مش مهم يعرف كل لون إسمه إيه ,, خلينا بس نركز على مفهوم الحاجات اللى لونها زى بعض مفيش داعى نستعجل وشوية شوية نبدأ بتعليمه اللون وإسمه وأنا إن شاء الله ناوية أعلمه اللون باللغتين يعني مثلا نقول أحمر ريد .. أو أزرق بلو وهكذا
مهارات القص
إستخدمنا الورقة دى هنـــا طبعناها علشان نتعلم القص … بس الحقيقة كان صعب عليه جدا وساعته أكتر من مرة بس يعني أهه بداية
يعني إن شاء الله أكون حطيت لكم الخطوط العريضة لأول أسبوع أو أسبوعين خدوا راحنكم وبلاش نضغط عليهم أكتر من اللزون بس أتمنى إن يكون نفعكم
ملحوظة أخرى
من الوسائل المهمة واللى أنا بأشوفها مش محتاجة فلوس ومجهودها بسيط هى المكتبات العامة … ممكن تشوفوا إمتى ميعاد قراءة القصص بالمكتبة ونآخدهم هناك هيتعلموا شوية شوية اللغة وأيضا الإحتكاك بالآخرين والأطفال الصغار واللعب معهم .. كمان ممكن نلاقى الكثير والكثير من الكتب اللى هتساعدنا .. أنا جبت كتب بسيطة لتعليم الصغار الألوان المختلفة
أيضا قناة بى بى إس التعليمية الأمريكية أو قناة براعم للأطفال اللى بالعربية قنوات تلفزيونية أشوفها هادفة وتعلم الأطفال لو بتوصل لكم يبقى كويس وممكن تساعدنا لأن عليها برامج مثل شارع سمسم وقطار الحكايات وغيرها باللغتين العربية والإنجليزية
أمريكا :: عرض هايل من تارجت
يباع @ ٣.٩٩ دولار Advil Liqui-Gels *
نشترى ٢ ونستخدم ١٠٪ تخفيض من كارت وييل
ونستخدم ٢ كوبون ١$/١ من كوبونات ريد بلم بتاريخ ٢٥-٨-٢٠١٣
هندفع = ٥.١٨ دولار
وهنآخد ٥ دولار جيفت كارد
يبقى كأننا دفعنا ٩ سنت لكل علبة
ملحوظة مهمة :: لا علم عندى إذا كانت الكبسولات دى فيها جيلاتين أو أى نوع هو أرجو التأكد
يباع @ ٤.٩٩ دولار الواحدة Advil Infant’s or Junior *
نشترى ٢ ونستخدم الآتى
وعليها تخفيض ١٠٪ من كارت وييل تارجت
وكوبون ١.٥$/١ من الفيسبوك هنـــــا
هندفع = ٥.٩٩ دولار
وهنآخد ٥ دولار جيفت كارد
يبقى كاننا دفعنا ٩٩ سنت للإتنين يعني الواحد = ٥٠ سنت تقريبا
أمريكا :: تخفيض ٥٠٪ على لعبة للبنات من كارت وييل- تارجت
فيه عندنا تخفيض ٥٠٪ من كارت وييل على اللعبة الغريبة دى للبنات.. شكلها مخيف الصراحة .. بس الظاهر هو ده اللى البنات بيحبوه اليومين دول .. ما علينا تعالوا نشوف إيه الموضوع
تباع @ ١٩.٩٩ دولار Monster High Power Ghouls Spectra Doll *
نستخدم تخفيض ٥٠٪ من كارت وييل بتارجت
تبقى اللعبة = ٩.٩٩ دولار بعد التخفيض
Home Schooling مصادر ومناهج التعليم المنزلى
**** مصـــادر ومناهج مختلفــة فرى للتعليم المنزلى ********
هنـــــــا Book log and bookmarkمجموعة من
وهنــــا مجموعة من الميمورى كاردز ومعاها أغنية لتعليم الأطفال أسماء الشهور
وهنـــا عرض لمدة محدودة إشتراك لمدة شهر مجانى فى إيه بي سي ماوس
و هنـــــا كتاب إلكترونى لتنظيم الوقت فى الهوم سكولينج
أما هنـــا لعبة كاندى لاند بجدول الضرب
ومن هنـــا إصنع بنفسك فري كويلت للكلاس رووم
وهنــــا ١٨ وحدة تعليمية من أولد سكول هاوس
وهنـــــا كوبى وورك بثيم هوبيت
أيضــا هنـــا فري لاب بوك للرياضيات لسن ما قبل الحضانة وحتى الصف الأول
وهنــا أوراق للطباعة لأطفال ما قبل الحضانة وأطفال الحضانة
وهنـــا لمجموعة كبيرة من المصادر الفري لمناهج التعليم المنزلى