اليوم عندنا طريقة سهل لعمل كلوركس جديد المرة دى غير المرة اللى فاتت المرة دى هنعمل كلوركس ٣*١
أولا : إيه هو الكلوركس ٣*١
هو ببساطة كلوركس ألوان + منعم ملابس + معطر للملابس
الفكرة مأخوذة من الويب سايت ده بس طبعا لازم أضيف عليها لمستى السحرية وأعدل فى الطريقة شوية لتحقيق أقصى إستفادة
هنحتاج الآتى
٢/١ كوب خل أبيض
٢/١ كوب عصير ليمون
٢/١ ١ كوب ماء أكسجين – هايدروجين بيروكسايد
زجاجة فاضية سعة جالون
زيت عطرى أى نوع تفضلوه – إستخدمت ٣٠ قطرة من زيت اللافندر
الطريقة : فى الجالون نضع الخل ونخففه بشوية ميه الأول وبعدين نضيف الهايدروجين بيروكسايد ثم باقى المكونات ونملأ الجالون بالماء ونرجه جيدا حتى تمتزج المكونات معا جيدا
نضيف منه كوب لكل غسلة للحصول على ملابس ناعمة ولها رائحة لطيفة وألوانها جميلة
بعض الملحوظات المهمة : فيه ناس بتقول إن لما نصب الخل مع ماء الأكسجين بيعمل تفاعل وبيطلع منه غاز ممكن يكون متعب للنفس .. علشان كده أنا ما حبيتش أجرب فخففت الأول الخل بالماء وبعدين أضفت ماء الأكسجين
لو حسيتوا إن الرائحة اللى أضفتوها قليلة ممكن بالتأكيد تزودوا قطرات الزيت فى الزجاجة للمزيد من الرائحة المحببة فى الملابس
أنا إستخدمته فى الغسيل بالغسالة للأبيض والألوان وما حصلش حاجة لألوان الغسيل
لو الملابس فيها بقع مستعصية يبقى ننقع الملابس فى المحلول مع ماء ساخن فترة قبل الغسيل
أبدا خلاص
Leave a Reply