كيفيـة تنضيف أطباق البوتجاز

 

من أكتر الحاجات اللى مش بأحبها هو تنضيف ودعك أطباق البوتجاز وبالذات لما يكون فيه عزومة أو الواحد يطبخ مرات متتالية بدون تنضيف مستمر بتبدأ تتحرق بقايا الطعام على الأطباق وتلزق فيها جامد وبيكون من الصعب تنضيفها

ده شكل الطبق فى البداية طبعا واضح آثار حرق الطعام وكانت لازقة جدا وحاولت أطلعها بالوسائل السلمية وما عرفتش

لغاية لما إفتكرت إختراعى منظف الستانليس وجربته وكانت النتيجة رائعة وبأقل مجهود الطبق بقا نضيف جدا والحمد لله

بدأت برش الطبق بطبقة من الهايدروجين بيروكسايد أو مية الأكسجين ثم تغطيته بطبقة من البيكنج صودا ثم رشة أخيرة من ماء الأكسجين

 

وتركتها فترة الليت وفى الصباح بالمعلقة قمت بكشط الطبقة وطلعت بمنتهى السهولة والحمد لله

 

وهنا بعد ما طلعت الطبقة كلها بالمعلقة وقبل الغسيل

 

وهنا غسلتها عادى جدا بالمية والصابون مع دعك بسيط قوى والحمد لله رجعت نظيفة تماما

 

يا رب أكون حليت لكم مشكلة من مشاكلكم المنزلية .. وتكون فكرتى عجبتكم