أغطية الحلل والطاسات دايما بتمثل لى مشكلة فى الترتيب داخل أدراج المطبخ وقبل كده كنت بأحطها مع الحلل جوة بعضها
لكن مش دايما الموضوع ده بينفع لأن في حلل أحجامها زى بعضها وأيضا ساعات الغطا بيكون كبير
وكان الحل بسيط وهو صفاية الحوض البلاستيك
كان عندى واحدة قديمة وكنت على وشك إنى أرميها لما ظهرت الفكرة فى دماغى و إستخدمتها لترتيب أغطية الحلل زى ما إنتو شايفين كده وإتحلت المأساة والكركبة بتاعة الدرج
المرة اللى جاية لما تحبوا تغيروا صفاية الحوض بتاعتكم ما ترموش القديمة وإستخدموها فى ترتيب أدراج المطبخ
ماشاء الله متميزة
فكره جميله
بنحطها داخل دولاب المطبخ
انا بشعر انك واحده من الاسره
ربنا يباركلك لو عملتى محشى ورق عنب ممكن تصورى طريقه لفه لان بيكون مهوى معايا
الله يكرمك أروى أسعدتيني بكلامك الحلو .. ربنا يبارك فيكم .. تصدقى أنا لسه واكلة النهاردة ورق عنل من عمايل إيد أختى الغالية
أكيد هنعمل تانى وأصورهولك إن شاء الله تسلمى
Maa shaa ALLAH….yes… as our sister arwa said….I feel that I know u from before, not just soon…..and u can find solutions for a lot of problems.
Your sister
Umm Mohammed
كلامكم بيسعدنى جدا جدا .. ربنا يسعدكم بقدر مت أسعدتمونى وزيادة يا رب .. جزاك الله خيرا أم محمد