إستكمالا لمسلسل الخبز بتاعى اللى مش هيخلص بأقدم لكم اليوم نوع من أنواع الخبز جميل قوى وبسيط وطرى ولذيذ وأولادى بيآكلوه زى الفطير المشلتت بالعسل الأبيض والعسل الأسود بالطحينة .. الحقيقة هو ينفع لكل حاجة لكن فى الغالب هو للتغميس لأنه بيكون صعب عمل ساندوتشات بيه علشان صعب إنه يتفتح إنما حلو جدا جدا للتغميس .. الخبز ده كنت تعلمته من المنتدى بس مش لاقية اللينك بتاعته للأسف هأحاول أدور تانى وجزاها الله كل خير صاحبة هذه الوصفة الأصلية .. تعالوا بقا نشوف هنعمل إيه بالظبط
المقــــاديــــر
٣ أكواب من الدقيق الأبيض متعدد الإستعمالات
١ كوب دقيق أسمر
١.٥ كوب ماء أو لبن دافئ أو خليط ـ إستخدمت نص ونص
٢/١ كوب زيت زيتون
١ معلقة صغيرة خميرة جافة
١ معلقة صغيرة سكر أبيض
٢/١ معلقة صغير ملح
الطــريقـــــة
فى الأول نخلط جميع المقادير الجافة مع بعضها جيدا .. نضيف الزيت والماء أو اللبن الدافئ بالتدريج مع العجن المستمر جيدا حتى نحصل على عجين متماسك ولا يلتصق باليد
تقطع العجينة لـ ١٠ قطع متساوية أو على حسب رغبتكم فى حجم الرغيف
نفرد العجين فى شكل دائرى وفى هذه الأثناء نسخن طاسة على نار متوسطة ثم نضع فيها الخبز
أقل من دقيقة هيكون إستوى ونقلبه على الناحية التانية علشان نحمر الوش التانى
لذيذ جدا جدا
Mmmmmmmmmmmmmmmmmm
ma shaa ALLAH
روعة روعة يا أم الحسن … جربته وما شاء الله لذيذ وبيشهي … يسلموا
طيب الحمد لله إنه عجبك يا أم جنى … أولادي بيحبوا النوع ده جدا