أنا بأحاول قدر الإمكان إن البلوج يكون خالى من أى تحيز أو آراء سياسية مهما كانت .. لسبب إنى مش عايزة أصطدم بحد ممن يختلف معى فى الرأى وثانيا لأنى تعبت وزهقت من البرامج الحوارية وغيرها من اللى بتتكلم فى السياسة وأكيد إنتم كمان
مؤخرا أنا بأشوف مسلسل عن الثورة بأحد البلاد على الإحتلال والتعذيب فى السجون والإعتقال بدون سبب وأدوات التعذيب المختلفة الشئ اللى وجع قلبى فعلا
قلبى وجعنى على بلدى وعلى اللى إتعذبوا واللى لسه بيتعذبوا … قلبى وجعنى على اللى ماتوا واللى لسه بيموتوا ومحدش حاسس بيهم
قلبى وجعنى على اللى مرميين فى السجون بدون تهمة غير فقط الإختلاف مع السلطات فى الرأى
قلبى وجعنى على مصر وسوريا وفلسطين وتونس وبورما و و كل الدول اللى فيها ناس بتموت علشان ناس تانية تعيش بكرامة
على الناس اللى بتضحى بنفسها وأولادها لكن لا يمكن تضحى بأرضها ومبادئها ودينها وكرامتها
وحبيت أقول كلمتين بس أفضفض بيهم وأفش غلى
Leave a Reply