Early birds get the worm حكمة اليوم أنقلها لكم من ولجرينز
زى ما بأحب أشارك معاكم رحلاتى الناجحة فى الشوبينج أحب برضه إنى أتشارك معاكم الرحلات الفاشلة
طبعا زى ما إنتم عارفين عروض ولجرينز بتنزل يوم فى الجريدة وبتكون من يوم الأحد للسبت اللى بعده
يعني العروض موجودة قدامى طول الأسبوع وبالذات عروض السيريال كنت عارفة إنها حلوة ومش بتستنى … لكن الأسبوع ده كان عندنا يوم تلج على يومين برد على يومين كسل … وطبعا على ما روحت ولجرينز كنا آخر الأسبوع .. لأنى روحت إمبارح الجمعة … وكنت مجهزة كل الكوبونات وكل شئ تمام
بس إذ بى أفوجأ إن الستور كله ممسوح مسح … كل الديلز متشلفط عليها .. طلعت بشوية بالعافية
سيريال التشيريوز اللى بالعسل – اللو ولادى بيحبوه – أخدت آخر واحدة وإضطريت أجيب واحدة بدون العسل علشان أعرف أستخدم الكوبون .. والأدهى والأمر إنى إضطريت أشترى واحد بدون كوبونات خالص علشان أبقى إشتريت ٤ وآخد النقط على الكارد
الجليد معطر الجو .. مفيش غير واحدة يتيمة على الرف .. طبعا سيبتها لأن السعر على الـ ٣ علب
النيوسبورين .. ولا فتفوتة .. مفيش غير النوع اللى مش عليه كوبونات ولا العرض
وبدل ما أكون الإيرلي بيرد بقيت الـ … أنجرى بيرد
وخرجت من الستور أجر ذيول الخيبة أو بخفى حنين … بس برضه لحقت شوية حاجات
مش اللى كنت أتمناه بس يللا الحمد لله .. قاتل الله الكسل
Leave a Reply