فى اول كل شهر هيكون لينا مجموعة من التوقعات على الكليرانس اللى هسكون بتارجت فى الشهر ده … تارجت أمريكا
يجب الإنتباه إلى أنها مجرد توقعات نابعة من الأحداث المماثلة فى الشهور والسنين اللى فاتت برضه يجب الإنتباه إلى ان التواريخ والأيام والقيمة قد تختلف من فرع لآخر لكن تقريبا ده اللى هيحصل فى أغلب الفروع … ودلقوتى نشوف شهر أبريل
أولا :: الإيستر كليرانس
طبعا كعادة تارجت بعد كل مناسبة بيعمل كليرانس على ما تبقى من منتجات خاصة بالمناسبة دى والحلويات … دايما المأكولات والحلويات بتكون أقل فى الكليرانس عن باقى المنتجات … اليوم المفروض الكليرانس ٥٠٪ على المنتجات و ٣٠٪ على الحلويات والمأكولات
تقريبا يوم الخميس ٤ أبريل هيزيد الكليرانس لـ ٧٠ ٪ تخفيض **
يوم الإثنين القادم بإذن الله ٨ أبريل المفروض الكليرانس يكون ٩٠٪ على ما تبقى **
ثانيـا :: الدولار سبوت
الدولار سبوت هو مكان كده أول ما ندخل تارجت بيبيع فيه حاجات بدولار أو ٢ من مستلزمات الكرافس – الأعمال اليدوية- كتب صغير للأولاد – بسكوتات وحلويات-.. شرابات للأولاد والبنات .. هيعمل عليه كليرانس الشهر ده على حاجات الربيع والإيستر ممكن ما تلاقوش إعلان عنها فى المكان لكن دوروا على الحاجات اللى شكلها بتاعة الإيستر أو الربيع وإعملوا ليها سكان .. هتلاقوها نازلة الأول بتنزل ٥٠٪ وبعدين تزيد لـ ٧٠٪ تخفيض
ثالثا :: تصميمات كيت يونج
تصميمات كيت يونج هتنزل فى تارجت إبتداء من ١٤ أبريل الحالى ممكن تدخلوا هنا وتشوفوا من المتوقع نشوف إيه من التصاميم
رابعا :: فري بمناسبة يوم الأرض
٢٢ أبريل هو يوم الأرض وبالمناسبة دى فى السنوات الماضية تارجت كان بيقدم شنط لشراء البقالة من الشنط التى يمكن إعادة إستخدامها .. ومتوقعين السنة دى كمان يعمل كده
خامسـا :: كليرانس بشكل عام
بعض هذه الأقسام من المتوقع إنهم يعملوا عليها كليرانس هذا الشهر .. الأيام غير معروفة بالتحديد لكن ما يضرش إنكم لو محتاجين حاجة تتابعوا ويا ريت لو تقولوا لنا
سجاجيد متنوعة … بصوا عليها أيام الخميس فى الغالب **
كاميرات و كروت التخزين .. أيام الإثنين **
أدوات المطبخ أجهزة المطبخ … أيام الخميس **
ملابس السيدا ت.. أيام الثلاثاء **
ملابس الرجال .. أيام الأربعاء **
ملابس الأطفال … أيام الإثنين **
أتمنى تكون المعلومات دى مفيدة لكم وتابعونا فى عروض تارجت كل يوم
Leave a Reply