خلاااااااص عارفة إنكم زهقتم من تجاربى فى موضوع منعم الملابس ده بس أوعدكم دى آآخر مرة خلاص الحمد لله وصلت للتركيبة اللى أنا عايزاها وإعتمدتها ومش هأغيرها بإذن الله وهأرحمكم من الموضوع ده وشكرا على متابعتكم لى فى محاولتى الأولـــى ثم المحاولة الثـــانية وكل إختراع وإنتم بخير
النتيجة النهائية هى الآتى : إنى مش محتاجة غير الخل والرائحة فقط .. الخل موجود والحمد لله والرائحة ممكن إما بإستخدام الزيوت العطرية أو بإستخدام الحبيبات بتاعة داونى أو بيوركس أو أى ماركة عندك أو تفضليها أو عليها كو…بو…نــــــات … تعالوا نشوف هنعمل إيه
هنحتاج
٥ أكواب من الخل الأبيض العادى
١ ١/٢ كوب ماء مغلى أو ساخن جدا
من ١/٢ لـ ١ كوب من حبيبات بيوركس أو داونى – على حسب رغبتكم فى قوة الرائحة
اللى هنعمله
ندوب الحبيبات كويس فى الماء المغلى ثم نضيف لها الخل ونمزجهم مع بعض كويس جدا
نصبهم فى زجاجة ونستخدمها مع الشطفة الأخيرة للغسيل فى دورة الغسيل بالكمية المناسبة ليكم أنا بحط تقريبا نصف كوب
بسييييطة خالص واللى مش بيحب الرائحة أو عنده حساسية ببساطة يستخدم فقط الخل ربع كوب أو أقل مع كل غسلة .. مفيش أرخص من كده
تسلم ايدك يا مغتربه ان لسه مجربتش بس شكلي هخش عليها بس سؤال في السريع هو ريحه الخل مش بيظهر في الهدوم ؟؟؟ اننا بعمل منظف للمطبخ اللي هو ضابون سايل و خل و ميه و بجد حلو بس ريحه الخل بتظهر
أبدا أبدا مش بتظهر لأن الكمية قليلة وبتتحط مع الشطف الأخير يعني والمية نازلة تشطف الغسيل … مرة واحدة بس ظهرت عندى ريحة الخل فى بعض الفوط لأنى حطيته على الملابس وما سيبتش الهدوم تتشطف كويس لأنى كنت مستعجلة ما تعمليش كده وعمرها ما هتطلع .. جربيها وقولى لى النتيجة إن شاء الله
SUPERMAMY says
تسلم ايدك يا مغتربه ان لسه مجربتش بس شكلي هخش عليها بس سؤال في السريع هو ريحه الخل مش بيظهر في الهدوم ؟؟؟ اننا بعمل منظف للمطبخ اللي هو ضابون سايل و خل و ميه و بجد حلو بس ريحه الخل بتظهر
moghtarebah says
أبدا أبدا مش بتظهر لأن الكمية قليلة وبتتحط مع الشطف الأخير يعني والمية نازلة تشطف الغسيل … مرة واحدة بس ظهرت عندى ريحة الخل فى بعض الفوط لأنى حطيته على الملابس وما سيبتش الهدوم تتشطف كويس لأنى كنت مستعجلة ما تعمليش كده وعمرها ما هتطلع .. جربيها وقولى لى النتيجة إن شاء الله