مطبخ مغتربـة : الكشك المصرى February 5, 2013 by Amira Leave a Comment الكشك طبق يختلف تحضيره من مكان لآخر بوطننا العربى .. ومصر فيها عدة طرق لتحضير الكشك بتختلف بحسب الموقع الجغرافى ودى أسهل طريقة للكشك وأيضا هى طريقة من طرق جدتى الله يرحمها الكشك المصرى البسيط المقـــاديــر ١ كوب دقيق ١ كوب زبادى سادة – يوجورت يعنى ٢/١ كوب لبن حليب ٥ أكواب مرقة – شورية . بإمكانك إستخدام ماء وماجى لو بتحبوهـا ملح وفلفل حسب الذوق رشة قرفة بصلة كبيرة مقطعة – زيت لتحمير البصلة طريقـــة التحضيــــر يخلط الدقيق مع الزبادى والحليب جيدا ويتركوا لمدة ساعتين نغلى الشوربة جيدا ونظبط الملح والفلفل ونضيف لها رشة قرفة ثم يضاف لها الخليط السابق مع التحريك سريعا ونستمر فى التقليب حتى يغلظ القوام .. هيكون مثل المهلبية كده أو البودنج نحمر البصلة فى الزيت ونآخذ جزء منها قبل أن تصبح بنية ونخلطه مع الخليط السابق نكمل تحمير باقى البصلة حتى تصبح بنية اللون …. يغرف الخليط فى أطباق ويزين بالبصل المحمر يؤكل دافئ أو بارد مع الخبز البلدى وبالهنا والشفا إنشروها لو عجبتكمClick to share on Facebook (Opens in new window)Click to share on Pinterest (Opens in new window)Click to share on Twitter (Opens in new window)Click to share on Google+ (Opens in new window) Related « نقاط جديدة من ريسايكل بانك١٠٨ كتاب فرى من أمازون »
Leave a Reply