Detangler النهاردة هنعرف إزاى نعمل مزيل تشابك الشعر أو الـ
مزيل التشابك هو ببساطة جدا بلسم الشعر مخفف ومحطوط فى زجاجة سبراى بس كده
طبعــا دى سهلة جدا وإقتصادية جدا جدا لأن مزيل التشابك غالى
وبقطرات بسيطة من الكوندشنير المفضل لديك تقدروا تعملوا
زجاجة كبيرة وممكن كمان ببلاش لو إستخدمتوا السامبلز
زى ما قلت لكم ممكن تستخدموا السامبلز اللى بتيجي لنا عن طريق البريد
المطلــوب
١-٢ معلقة كبيرة من الكوندشنير – بيعتمد على كثافة الشعر – أنا إستخدمت معلقة واحدة
زجاجة سبراى – إشتريت واحدة بدولار من تارجــت من عند المكان بتاع الترافيل كيت ١٢ أونص
حنفية بتنزل ميه وبس
نحط البلسم فى الزجاجة ونملأها بالماء عادى خالص من الحنفية – يفضل ساخن لسهولة الإمتزاج – ونرج الزجاجة جيدا
حتى تمتزج المكونــات وبس خلاص مفيش أسهل من كده
الحقيقة ما عنديش بنات لكن بأستخدمها كتير لما ولادى شعرهم يطول وعايز يتحلق ومكسلين نحلق
بيقوموا الصبح من النوم شعرهم هايش ومنكوش زى الأستــاذ هنــــــا
رجيت الزجاجــة قبل الإستعمــال ورشيت منها على شعره ومشطت له شعــره وبس
سيبته لغاية لما نشف وبقى شكله جميل وخرجنــا سوا وهنا شكله بعد
لمــا الواحد بيفكر قد إيه هو صرف فلوس على المنتج ده زمان وقد إيه عمله فى البيت
لا بيآخد وقت ولا فلوس ولا حتى مجهود !!!! فعلا سهل جدا جدا
saida ibrahim says
الله عليكي و على افكارك, انا عندي بنتين و اكيد بجربها
Amira says
أنا مش بأستغنى عنه أبدا مع إن ربنا ما رزقنيش بالبنات الحلوين بس أولادي لما شعرهم بيطول بيكون ده الحل لغاية لما يحلقوا
saida ibrahim says
ربنا يحفظلك الحلوين و يرزقك بالبنت الحلوة
Amira says
هههه الله يكرمك بس خلاص كفااااية كده والحمد لله …. سني ما يسمحش بعيال تاني وكمان ممكن الحبة اللي فاضلين لي في مخي يطيروا