فى المرات السابقة تعرفنا على سواج باكس وعرفنا مجموعة من الطرق لكسب النقاط
النهاردة ميعادنا مع المزيد من الطرق لكسب السواج باكس
٦- تــابعوا البلوج بتاعهم
من المهم متابعة سواج باكس بلوج لأنهم كل يوم تقريبا بيقوموا بوضع فرى كود .. وده كود
بيديلكم مجموعة من النقاط فرى بالإضافة إلى أنكم هتكونوا على علم دائم بكل جديد عندهم
Tasks ٧- إدخلوا على قائمة المهمات المتوفرة
كل يوم سواج باكس يعرض مجموعة من المهمات اللى عن طريق إتمامها
نكسب مجموعة من النقاط … عادة تكون المهمات تحتاج إلى بحث فى الإنترنت. كل
مهمة مختلفة عن الأخرى وعادة يكتب لكم فى الأول الوقت المتوقع لإتمام هذة المهمة
Trusted Survey ٨- إشتركوا فى الدراسات الموثوق بها
إشتركوا فى الدراسات الموثوق بها التى يقوم الويب سايت بعملها … هذا النوع من الدراسات مشهور عبر الإنترنت
مثلا دراسة لأخذ رأيكم فى منتج معين أو لتطوير منتج معين بغض النظر عن البراند … هذا النوع مضمون
لكن مشكلته الوحيدة إنكم ممكن تمضوا حوالى ٣ دقائق تجاوبوا على مجموعة من الأسئلة وفى النهاية
يقول لكم أنكم غير مؤهلين للإشتراك فى هذة الدراسة .. فأنا رأيي إنكم تحاولوا ولو وجدتم أنكم فى أكثر الدراسات غير مؤهلين
يبقى بلاش منها وهتكون مضيعة للوقت بتاعكم وخليكم أحسن فى باقى الطرق المضمونة أكثر
Swagbucks Games ٩- إلعبوا ألعاب على الويب سايت
بصراحة عمرى ما جربتها لأنى ما ليش قوى فى أعلاب الكمبيوتر وماليش صبر عليها .. لكن لو إنتم من هواة اللعب
بألعاب الكمبيوتر تبقى دى وسيلة حلوة فعلا لكسب سواج باكس وتقضوا وقت بتعملوا حاجة بتحبوها
No Obligation Special Offers ١٠- إلقوا نظرة على العروض الغير ملزمة
دى بتكون مجموعة من العروض مقدمة من شركات مختلفى كل اللى عليكم هو إنكم تضغطوا على نيكست أو
التالى علشان يجيب لكم العرض اللى بعده وهكذا حيكونوا حوالى ٥ أو ٦ عروض إستعرضوهم بسرعة وفى أقل من
دقيقة تقدروا تكسبوا ٢ سواج باكس كل يوم . ملحوظة : النوزو أو العروض غير الملزمة يمكنكم إستعراضها وكسب
النقط بتاعتها فقط مرة واحدة يوميا
Trade Ins ١١- التبــادل
لو عندكم موبايل قديم مثلا أو كتب أو كونسول ألعاب قديم يمكنكم التخلص منه عن طريق المبادلة … إدخلوا وشوفوا الجهاز
بتاعكم موجود واللا لأ وعدد السواج باكس اللى ممكن تآخدوها فى مقابل الجهاز … وهتطبعوا ستيكر أو ليبل الشحن مجانا
١٢- تابعوهم على الفيسبوك و التويتر
علشان تعرفوا أكواد خاصة بالفيسبوك والتويتر وكمان فيه ناس بتعمل حاجة غريبة على الفيسبوك بتاعهم
بتحط لكم كلمات للبحث لما تعملوا بحث عليها بتعطيكم دبل البوينتس أو ضعف السواج باكس
وفعلا بتنفع!!! إزاى مش عارفة بس بتنفع وهو ده المهم
كده نبقى غطينا تقريبا كل النقاط المهمة فى السواج باكس أتمنى إنكم تستفيدوا منه
وإنتظرونى فى المزيـــد … شكرا لمتابعتكم
لقراءة باقى المجموعـــة
مقدمــــة
أفكـار لزيادة الدخل – سواج باكس ج١
أفكـار لزيادة الدخل – سواج باكس ج٢
أفكـار لزيادة الدخل – سواج باكس ج٣
أفكـار لزيادة الدخل – بيع كراكيب البيت
أفكـار لزيادة الدخل – بيع كراكيب البيت- ٧ نصائح مهمة
أفكار بسيطة لزيادة الدخل – بيع كراكيب المنزل – كريجز ليست
أفكـار بسيطة لزيادة الدخل – بيع كراكيب المنزل – أسواق البيع للغير
أفكار بسيطة لزيادة الدخل – بيع كراكيب المنزل – الجراج سيل ١٠ نصائح
Jingit – أفكار بسيطة لزيادة الدخل
Mechanical Turk أفكار بسيطة لزيادة الدخل
ا says
السلام عليكم ورحمة الله وبركاتة,
انا متابعة لموضوعاتك,وعملت مثل ما حكيتي,لكن طلع انو ما في بالدولة الي انا سكناها هلامكانية
هل في موقع ثاني تنصحيني فية؟
وجزاك الله كل خير
بجد موضوع رائع
والسلام عليكم ورحمة الله تعالى وبركاتة
moghtarebah says
وعليكم السلام ورحمة الله وبركاته
غريبة قوى إنتى بأى بلد؟ ممكن مش كل الحاجات تكون موجودة يعني مثلا بمصر مكانش فيه التى فى بتاعهم يعني الفيديوهات مش بتشتغل والعروض مجموعة معينة أكيد تيع الدولة لكن مثلا الديلي بول أو السؤال اليومي كان موجود وكمان النوزو كنت بأعمله … يا ريت تقولى لى إنتى فين؟ أسعدنى متابعتك لمدونتى