المرة اللى فاتت إتكلمنا عن سواج باكس وعرفنا
إيه هو سواج باكس – وبيدينا إيه وإزاى ممكن نستفيد منه فى زيادة الدخل
النهاردة هنتكلم عن طرق مختلفة نقدر منها نكسب نقط فى السواج باكس
Tool Bar ١- شريـط الأدوات أو الــ
طبعــا ممكن نعمـل البحث عن طريق الصفحة بتاعتهم من هنـــا
وممكن الأسهـل من كـده إنكم تعملوا تنصيب لشريط الأدوات الخـاص بيهم من هنـــا
وعن طريق الشريط ده هتلاقوا مكان للبحث بصورة سريعة ممكن تستخدموه بدل ما
تعملوا البحث من الويب سايت نفسـه .. بالإضافة لكده ممكن من آن لآخر يظهر
لكم فى الشريط كود تكسبوا بيه نقط فى الويب سايت
نصيحـة : لو عندكم مجموعة من الويب سايتس اللى متعودين تدخلوا عليها كل يوم
مثلا بلوج مغتربة .. حاولوا تعملوا عليها بحث ..كل مرة بشكل مختلف علشان تكسبوا نقط
Swagbucks TV ٢- إتفرجــوا علــى
إفتحوا اللينك اللى فوق أو من شريط الأدوات اللى هتنزلوه هتلاقوا التى فى بتاعهم
Food Network من أفضل القنوات اللى ممكن تتفرجوا عليها
HGTV, DIY وكمان فيه قنوات للديكور … زى
يعنى إتفرجوا براحتكم فى القنوات كل ١٠ كليب = ٣ نقاط من سواج باكس
الحقيقة أنا بأشغلهم فى الخلفية وأنا فاتحة الكمبيوتر وكل أما أفتكر بأضغط على كليب وأشغله
بس بصراحة لما بأركز بأعمل منها نقط كتير جدا
Daily Poll ٣- إحرصوا على إنكم تعملوا الـــ
وهى إقتراع يومى على سؤال معين إختاروا الإجابة اللى تعبر عن رأيكم
مش هتآخد منكم ٥ ثوانى = ١ نقطة من سواج باكس
Special offers ٤- كملــوا الــ
فيه لينك عن العروض الخاصـة .. ودى بتكون مجموعة من العروض
مثلا تعملوا تسجيل فى شركة معينة وتحطوا بياناتكم زى الإيميل وتآخدوا نقط
Trial Period وفيه عروض بتكون لمدة محدودة يعنى مثلا شهر للتجربة
ما أنصحكمش بيه إلا لو كنتم واخدين بالكم علشان تلغوا الإشتراك قبل إنتهاء المدة
Net Flex يعنى مثلا أنا إشتركت فى عرض من نيت فليكس
تشتركوا فيه لمدة شهر للتجربة وأخدت ١٠٠٠ نقطة من سواج باكس
لكن أخدت بالى ولغيته قبل أما الشهر يخلص وإلا كان هيسحب من الكريدت كارد أوتوماتيك
العروض دى بتكون مجزية جدا وأرقامها عالية لكن لازم تدخلى بيانات الكريدت علشان كده
لازم نآخد بالنا ونلغيها فى المدة المحددة … لكن هناك العديد والعديد من العروض المجانية
واللى مش لازم تدخلوا فيها بيانات الكريدت كارد بتاعكم
٥- إطبعوا الكوبونـــــات
سواج باكس عنده مجموعة من الكوبونات أغلبها كوبونات بتاعة كوبونز دوت كوم
كل كوبون تطبعوه وتستخدموه تآخدوا عليه ١٠ سواج باكس
خللوا بالكم ال ١٠ سواج باكس مش بيتحسبوا إلا لما تستخدموا الكوبون
فعليا مش بس تطبعوه وخلاص بس النقاط ممكن ما تظهرش فى الحساب
على طول خللى عندكم صبر .. بس هى فعلا شغالة وأضمن لكم لأنى جربتها قبل كده
دى كانت مجموعة من الطرق علشان تكسبوا بيها سواج باكس وإستخدمتها ونفعت معاى
إنتظرونى فى المرة القادمــة والمزيد من الطرق علشان تكسبوا سواج باكس
لقراءة باقى المجموعـــة
مقدمــــة
أفكـار لزيادة الدخل – سواج باكس ج١
أفكـار لزيادة الدخل – سواج باكس ج٢
أفكـار لزيادة الدخل – سواج باكس ج٣
أفكـار لزيادة الدخل – بيع كراكيب البيت
أفكـار لزيادة الدخل – بيع كراكيب البيت- ٧ نصائح مهمة
أفكار بسيطة لزيادة الدخل – بيع كراكيب المنزل – كريجز ليست
أفكـار بسيطة لزيادة الدخل – بيع كراكيب المنزل – أسواق البيع للغير
أفكار بسيطة لزيادة الدخل – بيع كراكيب المنزل – الجراج سيل ١٠ نصائح
Jingit – أفكار بسيطة لزيادة الدخل
Mechanical Turk أفكار بسيطة لزيادة الدخل
ibotta أفكار بسيطة لزيادة الدخل – من
Samsam says
مش عارفه ادخل سواج
Amira says
ليه مش فاهمة؟ فى أى بلد إنتى؟ يمكن يكون مقفول عندكم .. تقدرى تقولى لى الخطأ بيقول إيه؟