السلام عليكم ورحمة الله وبركاته
إضطريت إنى أروح ولجرينز لأن كان معايا آر آر هتخلص يوم ٢٥ أبريل وطبعا مش معقول أضيعها
توكلت على الله ورحت رغم إنى كنت تعبانة جدا من الأنفلونزا
كان عندهم عرض واحد هو اللى حسيت إنى ممكن أجيبه
وهو إنك تشترى تامبونز
U by Kotex Sleek Tampons
ب ٣.٩٩ دولار ويديلك ٣ دولار آر آر
وكمان فيه كوبونات من سمارت سورس ٢٥ مارس بدولار تبقى فرى
المهم أنا كان معايا ٢ كوبون أر آر كل واحد ب ٤ دولار و٢ كوبون سمارت سورس كل واحد بدولار
فقلت هأشترى ٢ علبة تامبونز كل واحدة ب ٣.٩٩ دولار وأجيب أى ٢ شكلاتة مثلا كل واحدة
ب ٤٠ سنت واللا نص دولار علشان يكون عدد الحاجات اللى أنا مشترياها = لعدد الكوبونات لأن ده من
سياسات ولجرينز لازم عدد الكوبونات يكون اقل أو مساوى لعدد المنتجات اللى إنتى إشتريتيها
الغلطة الأولى : عملت الإتنين تامبونز مرة واحدة وبالتالى الماكينة طلعت لى ورقة ب ٣ دولار آر آر مش ورقتين
ليييييييه لو عايزة ورقتين يبقى لازم كل منتج يتعمل فى ترانزآكشن لوحده يعنى تشترى الأولى وتدفعى وبعدين تشترى التانية
طبعا إضطريت أقول للست عيدى كل حاجة من الأول وكنت مكسوفة جدا منها بس ولا همنى ههههه
الغلطة التانية: ما ينفعش الحاجات تبقى فرى خالص من ولجرينز الماكينة ما قبلتش كده
يعنى أنا إشتريت التامبونز ب ٣.٩٩ وحطيت معاها ٢ كيس سناك الشيكولاتة اللى فوق كانوا عاملين
عرض الإتنين بدولار يبقى كده إجمالى الفاتورة ٣.٩٩ + ١ = ٤.٩٩ وأنا مستخدمة كوبون آر آر
أبو ٤ دولار + كوبون سمارت سورس أبو دولار يبقى كده الكوبونات ب ٥ دولار
وما ينفعش قيمة الكوبونات أعلى من قيمة الحاجات اللى أنا إشتريتها وعلى هذا إضطريت إنى أشترى
كيس صغير سناك ب ٩٩ سنت مكسرات
ولما جيت أعمل التامبونز التانية أخدت معاها كيسين من المكسرات علشان تبقى قيمة الحاجات أعلى من الكوبونات
Leave a Reply