إذا كان عندك طفل صغير يعنى من أول ١٦ شهر كده ممكن يلعب اللعبة دى
كل الأطفال كبار وصغار بيحبوا الستيكرز … هاتى مجموعة من الستيكرز من الدولار ستور
اللعبة دى بتساعد على تنمية التوافق العضلى العصبى عند الأطفال .. ابنى هنا عنده ١٨ شهر كل ما كان أكبر كل أما يكون التحكم بتاعه أحسن
طبعا فى الأول لازم تقعدى معاه وتوريله بنفك إزاى الستيكر ونلزقه
وبعدين هو يحاول لوحده وإستمتعى وإنتى بتتفرجى عليه وهو مبسوط وبيحاول
أنا جبت كتاب تلوين علشان يلزق فيه والستيكرز كانت عندى بواقى من إخواته
وكان فرحان لما بيلزق واحدة صح ويسقف لنفسه ويقول برافووووووووووو
بس الغلطة اللى عملتها إنى إستخدمت ستيكرز صغيرة حبتين على إيديه إستخدمت الحجم ده
المرة اللى جاية بإذن الله هأستخدم الأكبر منها
Leave a Reply