Uncategorized
مرحب شهر الصوم :: خطة لإستقبال الشهر الكريم -١
السلام عليكم … كنت إتكلمت معاكم قبل كده عن إننا عايزين نعرف نقضي رمضان ممتع ومليئ بالطاعات وبنفس الوقت ما نقصرش في حق بيوتنا وأولادنا وأزواجنا من الأكل والترتيب والتنضيف وخلافه ولا نقصر بحق نفسنا من الروحانيات وإستغلا هذا الشهر الفضيل
واليوم هو أول يوم في خطتنا العملية لإستقبال هذا الشهر الفضيل
بما إن السمة الغالبة لهذا الشهر الكريم هو الكرم والجود يبقى هنبدأ بالفكرة دي وهي الكرم والنظرة إلى المحتاجين والفقراء … حتى لو كنا إحنا كمان منهم فأكيد عندنا حاجة نقدر نعطيها لغيرنا
اليوم إن شاء الله هنلف في كل غرف المنزل ونلم كل حاجة ملهاش لازمة وتكون النية التبرع بها…. ملابس … لعب للصغار طبعا تكون حاجات كويسة وقابلة للإستخدام .. مصاحف بقالها كتير في البيت وغطاها التراب وعندنا ما يكفينا وزيادة … كتب مثلا قرأناها ولم نعد بحاجة إليها وغيرنا ممكن يستفيد بيها وهكذا ونضعها بكراتين إستعدادا لتوزيعها بالشهر الكريم … لو ما تعرفوش حد فقير أو محتاج ممكن تعطوها للجامع .. وممكن تتبرعوا بيها لأي جهة تانية مش ضروري تكون تبع الجامع لو ما لقيتوش حد بالجامع يساعدكم
فكرة للاولاد:: لو ربنا رزقكم بالأولاد إعملوا حصالة أو أي علبة وقولوا لهم من اليوم وحتى نهاية شهر رمضان نحاول نضع بيها أي مبلغ ولو بسيط كل يوم وإربطوها بالثواب قد إيه عظيم ويتضاعف في رمضان … أي فلوس يلاقوها يحطوها هناك .. لو بتعطوهم مصروف يبقى جزء منه نحطه أي جائزة وعدتوهم بيها مثلا لو عملوا كذا أو كذا …إن شاء الله أنا ناوية أبقى أرمي لهم فلوس في البيت … مش مبالغ يعني 
لا تفتكروا إني هأحط لهم آلاف الدولارات ههههه يعني ربع دولار هنا على ١٠ سنت هناك كده الفكرة عي تربيتهم على العطاء وبالذات في هذا الشهر الكريم وعلشان يحسوا بالشهر وإننا لازم نستعد له من بدري وكيفية الإستعداد وربطهم بالشهر ونخليهم يستشعروا حلاوته زي ما هم هنا بينتظروا الكريسماس إحنا كمان عايزينهم ينتظروا رمضان بشوق من سنة لسنة وربنا يكتب لنا ولهم الأجر ويعيننا على تربية أولادنا
لو عندكم أي أفكار تانية يا ريت تشاركونا بيها ولكم الأجر من الله إن شاء الله
مرحب شهر الصوم :: رمضاننا أحلى
كـــل عــام وأنتم بخير … شهر رمضان الفضيل يدق الأبواب .. فهنيئا لمن إغتنمه وبالحسنات ملأه
لكن نملأه إزاي بالحسنات وإحنا شهر رمضان تحول عندنا لشهر ولائم وعزومات ووقفة في المطبخ طول النهار … فيضيع أغلب النهار .. وييجي وقت الإفطار ونقف نحضر الإفطار وبعدها الشاي والحلويات والذي منه ويا دوب نلحق الصلاة وييجي وقت التراويح والستات هلكانة وتعبانة ومش قادرة تقف على رجليها
طبعا مش كلنا كده لكن فيه مننا بيكون زوجها ليه طلبات خاصة مثلا لازم كل يوم شوربة … لازم يفطر على عصير مش عارف إيه … لازم يآكل الشوربة معاها إيه وهكذا … وإحنا مش عايزين نزعل الأزواج وبنفس الوقت مش عايزين نضيع مننا هذا الوقت الثمين
وعلشان نوصل لكده وأساعدكم وأساعد نفسي تعالوا معايا نستعد لرمضان السنة دي ونخليه أحلى إن شاء الله … تعالوا نستعد كويس نفسيا وروحانيا ومطبخيا ومنزليا وكل حاجة …. هااه مين معايا؟
الموضوع ده مفيهوش كوبونات ولا عروض ولا خاص بأي دولة … الموضوع ده لينا كلنا نساعد بعض ونساعد نفسنا ولنا الأجر إن شاء الله
بإذن الله هنكون مع بعض نوضب ونرتب لهذا الشهر الفضيل نستعد علشان يدخل علينا وإحنا في أحسن حالة ومستعدين له من فترة .. من غير توتر ولا تعب ولا زهق من طلبات الزوج أو الأولاد أو المصاريف وخلافه
أتمنى الموضوع يعجبكم … وبالمناسبة دي أهديكم أغنية من أحب الأغاني لقلبي واللي بأسمعها من سنين الطفولة
تلج في مايو!!! … بررررر هذه هي كلورادو
اليوم إستيقظنا على عاصفة ثلجية من عواصف الشتا اللي مش عايز يروح ويسيبنا 
… شيئ غريب في مايو والجو يكون كده بالشكل الفظيع ده
دي أكتر حاجة بأتضايق منها هنا في أمريكا … التلج .. مش مهم عندي الجو الساقع لكن التلج!!! يا حفيظ بأخاف منه جدا جدا وبيخليني قابعة في البيت بلا حراك لا عايزة أخرج ولا أدخل ولا أشتري أي طلبات ولا أي عروض ممكن تخليني أخرج في الجو ده
لو تلاحظوا كراسي البلكونة عندي بالتيكيت بتاعها لسه جايباهم من تارجت لما الجو بقى كويس وإتعدل وقلنا هنقعد في البلكونة بقى والشمس هتطلع والجو رايق مع كباية شاي أو قهوة العصرية واللا شاي الساعة خمسة ده اللي بيقولوا عليه هههههه يا عيني علينا ما لحقناش نتهنى …أنا اللي منرفزني إني صدقت ودخلت الهدوم الشتوي خلااااااص …… لكن الصيف جاي أكيد إن شاء الله …. طولة العمر تبلغ الامل … وصباحكم أمل
أخبار الجو عندكم إيه؟؟؟
١٢ طريقة مجربة لرفع الروح المعنوية- غير الشوبينج وأكل الشيكولاتة
ساعات كده بنصحى من النوم بيكون …. اليوم باين من أوله ونبقى مش عايزين حد حتى يقول لنا صباح الخير
حقيقي ما بيحصلكمش كده؟ أكيد بالذات السيدات … المود بتاعنا بيتغير في ثواني وساعات بنكون متضايقين والواحد مش عارف بالظبط إيه اللي مضايقه ومخليه مش طايق نفسه
لكن عن تجربة فعلا لو مش عارفين إيه اللي مضايقكم مش هتقدروا تعرفوا إلا لما الغضب اللي جواكم والنرفزة تخف شويتين .. هأقول لكم مجموعة من الحاجات اللي تساعدنا شوية من السيطرة على الموقف قبل ما ننفجر في كل اللي حوالينا
١- الصلاة وذكر الله
لو إنتم مسلمين ركعتين كده على إستغفار وإن شاء الله الأمور تهدا شوية ولو إنت مش مسلمين صلوا بطريقتكم … الصلاة بتخلينا نحس إن فيه قوة عظمى مسيرة للأمور في الكون وهي قوة الله وعظمته .. وأكيد ربنا مش هيعمل لنا حاجة فيها شر لينا كله خير إن شاء الله … ممكن تسمعوا إذاعة القرآن الكريم على الإنترنت بتاعة بلدكم هتفكركم بالأهل وكأنكم وسطهم وبتريح الأعصاب
٢- الخروج للشمس والهواء
ولو تخرجوا في البلكونة بتاعتكم .. إسمحوا للشمس إنها تلمس وجوهكم والهواء الخارجي … إتمشوا برة البيت شوية ولو ٥ دقائق أو حتى إتمشوا في حديقة البيت إذا كان فيه … ولو عندكم وقت أكتر يا ريت تتمشوا تروحوا أقرب بارك ليكم .. خدوا أولادكم وروحوا هناك هم يلعبوا وإنت تغيروا المناظر شوية… وإنتو برة تأملوا وجوه الأطفال وهم بيلعبوا ومبسوطين أو أشكال الورد أو العصاقير أو أي شيئ جميل .. أكيد هتشوفوا حاجة جميلة تلفت إنتباهكم وتخرجكم من المود
٣- شاور + برفان جميل
لو مش عايزين تخرجوا أو الجو مش مساعد نآخد شاور كده ونفرفش ويا ريت لو نلبس لبس حلو ونحط برفان بنحبه والسيدات يحطوا مكياج … يعني التغيير مطلوب والإحساس بالإهتمام بالنفس بيريح الأعصاب وبنحس بقيمتنا عند نفسنا قبل الغير
٤- الإطمئنان على الغير
كلموا حد من الأصدقاء أو الأقارب اللي مش بتكلموهم كتير بالذات في أوطاننا .. هيتبسطوا جدا جدا إنكم فاكرينهم وبنفس الوقت إنتم هتتبسطوا إنكم بسطتموهم وهتتكلموا في مواضيع جديدة وهتعرفوا أحداث جديدة يعني نوع من التغيير برضه
٥- الإستماع أو مشاهدة شيئ محبب
إسمعوا حاجة محببة ليكم أو ليها ذكريات حلوة … طب تعرفوا أنا ساعات أفتح اليوتيوب وأتفرج على إعلانات التلفيزيون المصري في فترة الثمانينات ههههه بتفكرني بالطفولة بتاعتي في مصر أو مقدمة فوازير نيللي بتاعة زمان أو فيلم لإسماعيل ياسين كانت جدتي الله يرحمها بتحبه قوي قوي وكل أما أشوفه أفتكرها وهي بتضحك فعلا من قلبها عليه وعلى حركاته
٦- جربوا وصفة جديدة في المطبخ
شوفوا وصفة جديدة وكلها إختراعات وجربوها … أنا شخصيا أحب الخبيز جدا وفعلا بيشيل من عندي الشد العصبي ولما أكون متضايقة أعمل شوية دقيق على شوية مية وهات يا ضرب … معلش حالات نفسية معقدة حبتين
٧- التمارين الرياضية
محدش بيعمل تمارين رياضية وبيكون متضايق بعدها … بالعكس الواحد بيكون مبسوط إنه عمل حاجة مفيدة وبيحسن من لياقته وحالته البدنية .. كمان بتعمل لنا شعور إننا مهتمين بنفسنا وبصحتنا
٨- البحث عن الهدووووووووء
ولو ١٠ دقائق فقط … نقفل التلفزيون والراديو والفيسبوك واللابتوب و و و ونسترخي … لو ينفع الأولاد يروحوا عند حد يبقى خير وبركة ما ينفعش يبقى إدوهم أي حاجة يتشغلوا فيها ولو ٥ دقائق … لعب جديدة … عربيات عروسة ألون شخابيط حتى ممكن تطلعوهم البلكونة وتدوهم جردل فيه ميه يلعبوا فيه أو في البانيو يلعبوا بشوية ميه وتروحوا إنتم – بس مش بعيد عنهم- وتقفلوا عينيكم وتعملوا إسترخاء … شدوا الفيشة شوية
٩- إقرأوا قصة
قصة مثيرة ومشوقة …أو قصة رومانسية تخرجكم من مود الزهق والإكتئاب .. لو مفيش .. أرسلوا رسالة رومانسية للزوج/ الزوجة لتغيير نمط الحياة ولو قليلا صدقوني بتنفع ورد الفعل بيكون حلو:) لأنها غير متوقعة طبعا
١٠- إعملوا حاجة مركونة من زمان
ساعات كتير بيكون نفسنا نعمل حاجة معينة ومفيش وقت … مثلا ترتيب أو تنضيف جزء في البيت …. دولاب معين .. تنضيف العربية أو فيه ناس عندها هوايات رسم مثلا أو كرافت يعملوها هتحسوا بالإنجاز
١١-إشربوا قهوة أو مشروب بتحبوه
إعملوا كوب قهوة متميز وإشربوه لو بتحبوا القهوة .. دوروا مثلا على وصفات قهوة حلوة
١٢- وإن تعدوا نعمة الله لا تحصوها
ساعات الواحد بينسى قد إيه نعم ربنا عليه كتير … صحة … أولاد… زوجة / زوج صالح … مسكن مريح … تلاجة فيها أكل …دفاية في البرد .. تكييف في الحر … أب وأم على قيد الحياة ربنا يبارك في عمرهم
يعني مش بنبص غير على اللي مش عندنا أو مش معانا أو عندنا مشكلة تبقى هي دي أكبر همنا والدنيا تبقى سودا حوالينا ومفيش حاجة تفرح في الدنيا و و و … الكلام ده بأقوله لنفسي قبلكم .. الحمد لله على نعمه وربنا يجعلنا من الشاكرين الذاكرين
أتمنى أكون ساعدتكم و يا ريت تجربوا وتقولوا لي إيه اللي نفع معاكم وإيه لأ ولو عندكم وصفة أو حل تاني يا ريت تشاركونا بيه وربنا يبعد عننا جميعا الهم والحزن
أمريكا :: فري من تارجت
أمريكا :: عروض سي في إس من ٢٠-٢٦ أبريل ٢٠١٤
كنا إتكلمن من قبل على لعبة الصيدلية وكا من ضمنهم سي في إس .. هنــــا تقدروا تقرأوا التفاصيل
تعالوا نشوف مجموعة من العروض هذا الأسبوع اللى نقدر نطبق عليها مبدأ لعبة الصيدلية
إشتروا الآتى يباع الواحد@ ٤.٩٩ دولار *
Almay Eyeshadow
ECB وهنآخد ٣
نستخدم كوبون ٤$/١ من كوبونات س س ١٣ أبريل
تبقى = فـــــــري
إشتروا الآتى يباع الواحد@ ٢.٤٩ دولار *
Scope To Go 4 pk
ECB وهنآخد ٣
تبقى = فــــــري
إشتروا الآتى يباع الواحد@ ٤ دولار *
Speed Stick Gear Antiperspirant Deodorant (2 – 4 oz)
ECB وهنآخد ٣
نقدر نستخدم٢ كوبون ٢$/١ من هنا
تبقى = ٥٠ سنت
إشتروا أى ٣ من الآتى سعر الواحد@ ٥ دولار *
Sparkle Paper Towels (8 pk), Quilted Northern Ultra Plus (9 pk) or Angel Soft Bathroom Tissue (12 pk)
ECB وهنآخد ٥
نقدر نستخدم ٣ كوبون ١$/١ من ر ب ٢٣ مارس
تبقى = ٢.٣٣ العبوة
إشتروا أى من الآتى يباع الواحد@ ٤.٩٩ دولار *
Wisk Liquid (32 loads) or PowerBlasts (24 ct)
ECB وهنآخد ١
نقدر نستخدم كوبون ١.٥$/١ من كوبونات ر ب بتاريخ ٩ مارس
تبقى = ٢.٤٩ دولار
إشتروا أى ٢ من الآتى يباع الواحد@ ٧.٥ دولار *
Dove Body Wash 24 oz, Cream Oil Lotion (13.5 oz) or Bar Soap (6 pk)
ECB وهنآخد ٥
نقدر نستخدم كوبون ٢$/١ من كوبونات ريد بلم بتاريخ ٢٣ مارس
تبقى = ٣.٥ دولار
يباع @ ١٠.٩٩ دولار CVS Diapers ( 52-60 ct) *
ونستخدم كوبون ٢$/١ من كوبونات سي في إس
ECB وهنآخد ٢
يباع @ ١.٥٧ دولار Powerade (32 oz) *
نستخدم كوبون١$/١ من كوبونات سي في إس
يباع @ 0.٩٩ دولار Pepsi 2L*
:: عروض خــــاصــــة
إشتروا أي منتجات من الآتية بمجموع ١٢ دولار *
ECB نآخد ٤ دولار
L’Oreal Foundation, Powder, Blush, Concealer or Eye Products
::ديــل مقتــرح
يباع @ ٤.٩٩ الواحدL’Oreal Eye Shadows إشتروا ٣ من
نستخدم ٣ كوبون ٢$/١ من كوبونات ر ب ٢٣ مارس
مع كوبون ٣$/١٥$ سي في إس يطبع بالماكينة
ECB هتدفعوا = ٥.٩٧ دولار وهتآخدوا ٤ دولار
٦٥ سنت فقط
إشتروا أي منتجات من الآتية بمجموع ٢٠ دولار *
ECB نآخد ٥ دولار
Huggies Diapers, Pull-Ups, GoodNites (Jumbo Pk) or Little Swimmers (17-20 ct) – $8.99, PediaSure (6 pk), SideKicks (6 – 8 pk) or Huggies Wipes (64-72 ct) – $2.99
::ديــل مقتــرح
إشتروا ٢ من
يباع @ ٨.٩٩ دولار Huggies Diapers
يباع @ ٢.٩٩ دولار Huggies Wipes مع واحد من
نستخدم ٢ كوبون ٣$/١ من هنــــا
ECB هتدفعوا = ١٤.٩٧ دولار وهتآخدوا ٥ دولار